Dennis at Jennylyn naki-jam sa bulag sa LRT!

For a cause ang rason nina Dennis Trillo at Jennylyn Mercado sa istasyon ng LRT-1 Roosevelt Avenue, QC nitong nakaraang mga araw.

Naki-jam sina Jen at Dens sa mga singer na bulag na laging nagpe-perform sa istasyon ayon sa manger ng istasyon. Ibinigay ng Kapuso lovers ang donasyon ng mga taong nakasaksi sa duet nila.

Of course, hit na hit ngayon sa YouTube ang duets nina Jennylyn at Dennis dahil milyon na ang views nito, huh!

Phillip nagpa-hard to get kay Nora!

Halos magmakaawa si Direk Joel Lamangan kay Phillip Salvador para tanggapin ng aktor ang role niya sa pelikulang Isa Pang Bahaghari mula sa Heaven’s Best Entertainment, Inc.

Kahit sabihin ni Kuya Ipe na hindi na siya marunong umarte eh sige pa rin ang kulit ng premyadong director. Pero finally, tinanggap na rin ng aktor ang role bilang asawa ni Nora Aunor sa movie.

“Nakaka-miss din naman kasing umarte pero ang feeling ko ngayon, scared dahil bukod kay Nora, magaling din ang kasama kong si Michael de Mesa at ‘yung ibang kasama sa movie,” rason ni Phillip sa storycon ng movie.

Sa totoo lang, hindi naman lalabas na bading si Phillip. Si Michael de Mesa ang gaganap na bestfriend niya, isang gay impersonator na tumulong sa paghanap sa asawa (Nora) upang humingi ng kapatawaran.

Sa storycon, tinanong namin si Ate Guy kung nasigawan na siya ni Direk Joel sa limang pelikulang pinagsamahan nila.

Tugon ng superstar, “Hindi pa po.”

“Kasi mahusay siya!” deklara ni Direk Joel.

Ano ang feeling niya nang hindi natuloy sina Tirso Cruz III at Christopher de Leon na kapareha niya? “Naku, wag na nating pag-usapan ‘yan dahil may edad na tayo. Bigyan na lang natin kung ano ang desisyon nila. Magagaling din namang aktor  ang kasama ko na sina Kuya Ipe at Michael,” tugon ni Ate Guy.