Liza Diño may isyu sa credit grabbing

Wala pang sagot si Film Development Council of the Philippines (FDCP) Chair Liza Diño sa akusasyon ng MMDA Spokesperson Celine Pialago ng credit grabbing dahil sa post ni Liza sa Facebook na tungkol sa suggestion ni Sen. Bong Go na magkaroon ng dalawang MMFF sa isang taon.

Post ni Liza na kinowt si Sen. Bong: “Marami po akong kaibigan na artista at marami po silang hinaing na gustong iparating sa akin. Sabi nila, kapag maging senador ako, tulungan ko sila makapagpasa ng mga batas na makatutulong sa proteksyon ng mga manggagawa ng pelikulang Pilipino,

“Senator BONG GO has expressed his full support to FDCP’s film policy initiatives. As we speak, his legislative team is in touch with our policy team to draft the possible bills that he can sponsor to support our film industry.

Cong. Dan Fernandez, one of our champions from the lower house has already filed in July 1 the LOCAL MOVIE INDUSTRY ACT to support our local movie industry.”

Heto naman ang reaction ni Ms. Celine sa post ni Chair Liza: “Hi Mdam Liza Di?o-Seguerra, I think this is too much, we all know how you always pre empt the activities of MMDA-MMFF, what’s worse you now want to make it appear that Sen. Go’s suggestion of holding  MMFF twice a year is part of your FDCP’s film policy. Can we give credit to whom it is due? #notocreditgrabber #notosobrangepal.”

Siguradong hindi palalagpasin ni Liza ang akusasyong ito kapag nakarating na sa kanyang pansin. Hindi na nga maganda ang tawagin siyang credit grabber, hindi pa maganda ang hashtags na ginamit.

Ang daming inaasikaso ni Liza ngayon at isa na rito ang gaganaping 3rd Pista ng Pelikulang Pilipino mula September 13 to 19. Sana, magtulungan na lang ang lahat na taga-showbiz para sumigla ang movie industry at para wala ng pelikulang first day last day sa mga sinehan.

Arjo nagpasalamat sa Eddys

Hindi nakadalo si Arjo Atayde sa The Eddys Awards, kaya hindi natanggap ng personal ang trophy na napanalunan bilang best supporting actor sa pelikulang Buy Bust. Sa Instagram (IG) niya ipinarating ang pasasalamat sa mga taong nasa likod ng The Eddys.

“Thank you so much, EDDYS, for this awesome recognition. I appreciate the trust, belief and support you continue to give me and my work. I apologize for not having been there personally to accept my award but know that I am humbled and grateful for it. Thank you for giving me another source of inspiration in my craft. More years and more power”

Hindi binanggit ni Arjo kung bakit hindi siya nakadalo sa awards night, but that Sunday, nakita siya sa pa-garage sale ni Maine Mendoza at tumulong pa nga sa pagbubuhat, pag-aayos at naging bagger pa ng mga pinamili.

EA isang buwan lang mapapahinga

Suwerte ang pagpirma ng exclusive contract ni Edgar Allan Guzman sa GMA-7 dahil sunud-sunod ang project niya. Magtatapos pa lang bukas, Saturday ang Afternoon Prime na Dragon Lady, heto at may kasunod na agad siyang project.

Kasama si Edgar sa cast ng bagong primetime rom-com series na One of the Baes na produced ng GMA Public Affairs para sa GMA-7.

Sa September na ang airing ng One of the Baes, bukas ang final episode ng Dragon Lady, kaya one month lang hindi mapapanood si Edgar.

Anyway, ang pasasalamat ni Edgar kay Janine Gutierrez dahil isa siya sa binanggit ng aktres na rason kung bakit hinusayan niya ang acting sa Dragon Lady. Gusto niyang sabayan ang husay ni Edgar and of course, pati na ang iba pang cast.