Throwback photo ni Gabby pumatok sa social

Pinagkaguluhan ng maraming netizens ang pinost ni Gabby Concepcion na throwback photo niya sa Instagram.

Pinost ng bida ng GMA-7 teleserye na Love You Two ang photo niya from the ‘80s kung saan teenager pa lang siya sa showbiz. Nilagyan niya ito ng caption na “A few pounds lighter. Lol.”

Kabilang sa nag-comment sa post ni Gabby ang anak nila ni Megastar Sharon Cuneta na si KC Concepcion. “What a hottie,” sabi ng anak ng aktor.

Tween Hearts reunion hindi nakumpleto

Tuwing birthday month ni Barbie Forteza nagkakaroon ng reunion ang buong cast ng teen series nila noon sa GMA-7 na Tween Hearts.

Naganap ang advance birthday party for Barbie noong nakaraang July 7 at dumating sina Louise delos Reyes, Derrick Monasterio, Paul Salas, Kristoffer Martin, Hiro Peralta, at Joyce Ching kasama ang fiance nito na si Kevin Alimon.

Kaya raw maaga ang celebration ng birthday ni Barbie ay dahil sa mismong araw ng kanyang birthday ay may iba itong plano. Baka mag-out of the country trip si Barbie since wala pa siyang bagong teleserye pagkatapos ng Kara Mia.

Sa July 31 pa ang eksaktong petsa ng birthday ni Barbie at turning 22 years old na siya. Naganap sa isang Korean restaurant ang birthday ni Barbie at pagkatapos ay naglaro sila sa isang escape room experience.

Hindi nga kumpleto ang Tween Hearts cast dahil hindi nakarating sina Bea Binene, Jake Vargas, Lexi Fernandez, Kylie Padilla, Ken Chan at Marlo Mortel.

Joe Jonas at Sophie Turner halos P1-M per night ang bayad sa tinutuluyang hotel sa Maldives!

Pagkatapos ng bonggang wedding nila Joe Jonas at Sophie Turner sa France, nag-honeymoon naman sila sa luxurious Soneva Fushi Resort sa Maldives.

Located sa Kunfunadhoo Island ang resort na tinuluyan nila Joe at Sophie at ang price per night ng kanilang beachfront villa ay $1,400 to $28,000. Most of the villas come with private pools.

Nag-share din sila ng pics na kumakain sila sa restaurant ng island na Out of the Blue kunsaan kumain sila ng sushi. May photo rin sila na nagre-relax sa attached floor hammock above the water.

Ang iba pang celebrities na nakapagbakasyon na sa Soneva Fushi Resort ay sina Salma Hayek, Javier Bardem and Penelope Cruz, Katy Perry and Orlando Bloom, at ang Royal Couple na sina Kate Middleton and Prince William.