Aktres na diva-divahan, binubusog ang staff and crew ‘pag guilty sa paninigaw
Uy diva-divahan talaga pala ang attitude ng isang actress pag nasa taping.
As in pag naiinis daw hindi niya napipigilan. Walang kontrol at naninigaw.
Bukod dun, minsan daw wala itong pakialam kahit siya na lang ang kulang sa set.
Tinatalakan din daw nito kahit make up artist pag ayaw ang ginawa sa kanya.
Pero may pambawi naman daw ito.
Pag alam niyang guilty siya, nagpapakain si actress sa taping. As in talagang binubusog niya raw ang lahat ng tao sa taping - staff and crew.
Kaya madali ring napapatawad ng mga kasama niya sa taping ang actress na madaling mainis.
Sikat pa rin ang actress at ‘yun na raw talaga ang habit nito sa trabaho pero marami rin daw buwisit dahil nga sa kakaibang attitude.
Daniela tutulong sa DOT
Iikot na sa buong Pilipinas si Daniela ng Kadenang Ginto.
Yes, ang sikat na character ni Dimples Romana na si Daniela ay makikipag-collaborate na sa Department of Tourism.
Nakipagkita na siya kay DOT Sec. Berna Romulo-Puyat para makatulong sa pagpo-promote ng mga lugar na hindi pa masyadong na-e-explore.
Viral hanggang ngayon si Daniela na naka-red dress habang may hilang maleta.
Kung saan-saan na siya nakarating at kung sinu-sino na ang nakasama dahil madaling e-edit.
Actually parang tinalbugan niya nga sa nasabing mga meme si Beauty Gonzales.
Robin papasok na rin sa military
Papasok na rin pala sa military training si Robin Padilla ayon sa kumalat na story ng Philippine Army kahapon.
Aspiring reservist pa lang ang tawag sa kanya meaning hindi nag-uumpisa ng training.
Dumalaw si Robin sa Sulu the other day para sa isang youth forum base sa kanyang post.
Si Matteo Guidicelli ang unang nagtapos ng 30-day Scout Ranger training sa Bulacan.
- Latest