Janine nag-uumpisa na ring kumanta sa mga teleserye
Hindi nakapagtatakang umabot na sa mahigit tatlong milyong views sa YouTube ang single ni Janine Berdin na Nasa Puso, ito ay dahil nakaka-LSS ito sa ganda ng lyrics.
Saludo ang fans ni Janine sa talent nito, dagdagan mo pa ng mga adik sa palabas na Kadenang Ginto na kung saan siya ang umawit ng theme song ng nasabing palabas.
Sakto ang kanta sa magandang kuwento ng KG, dapat ay walang mahirap o mayaman at dapat ay pantay-pantay lang.
Kumakalma naman ang mga manonood sa tuwing maririnig nila ang boses ni Janine, lalong dumadagdag sa feels nila sa panonood.
Samantala, natutuwa ang mga tagasuporta ni Janine dahil siya ang napili na kumanta ng isa sa number one teleserye ng Kapamilya, kaya wish ng mga solid followers niya na sana ay magtuluy-tuloy ang pagkanta niya ng mga theme song sa ABS-CBN, dahil totoong may boses siya at ito iyong tipo na hindi pinagsasawaan ng mga tao.
- Latest