Studio 7 Musikalye bibigyang parangal ang mga ina
MANILA, Philippines — Ngayong Linggo (Mayo 12), handog ng musical variety show ng GMA na Studio 7 Musikalye ang isang espesyal na pagtatanghal sa pagdiriwang ng Mother’s Day kasama ang powerhouse cast ng programa sa CSI Dagupan, Pangasinan.
Isang gabi na puno ng “kantahan, rakrakan at sayawan” ang hatid ng buong barkada upang ipagdiwang ang araw ng mga ina.
Abangan ang all-female at fierce performances mula kila Julie Anne San Jose, Gabbi Garcia, Sanya Lopez, Mikee Quintos, Kyline Alcantara, Kate Valdez, Golden Cañedo, Hannah Prescillas, Kyryll Ugdiman at Aicelle Santos.
Magkakaroon din ng nakakaantig na production number ang The Clash alumni na sina Miriam Manalo at Mommy Esterlina Olmedo. Maki-kisaya rin ang celebrity supermoms na sina Sunshine Dizon at Camille Prats.
Samantala, ang magkapatid na sina Rayver at Rodjun Cruz ay magbabahagi ng isang emosyonal na performance alay sa kanilang namayapang ina.
Tampok din sa selebrasyon ang reunion ng cast ng top-rating GMA primetime series na Onanay na sina Jo berry, Mikee at Kate.
- Latest