VM Joy suportado ng Iglesia ni Cristo!

Pasok si Vice Mayor Joy Belmonte sa endorsement ng Iglesia ni Cristo na susuportahan nila para sa Mayor ng Quezon City.

Solid ang boto ng lahat ng members ng INC sa QC kaya nakalalamang na si VM Joy sa kanyang mga kalaban.

Nagbigay agad ng pahayag si VM Belmonte sa magandang balitang natanggap niya.“This is very, very good news for us, and of course, for Quezon City because we are committed to our promise of giving selfless, top-notch service that will benefit the city’s residence,” pahayag ng soon to be QC Mayor.

Tanging ang endorsement sa pinuno ng siyudad ang naglabasan sa news reports. Walang lumabas sa endorsement ng INC bilang Vice Mayor. Si Konsehal Gian Sotto ang ka-tandem ni VM Belmonte.

Ina ni Kara David at ‘lolo’ ni Karen, namayapa!

Sunud-Sunod na naman ang death sa showbiz. Namatay kamakailan si Cesar Hernando, brother ng yumaong movie critic TV host, Mario Hernando.

Naging bahagi ng movies si Cesar bago binawian ng buhay.

Nitong nakaraang mga araw, nagdadalamhati ang award-winning broadcast journalist na si Kara David dahil sa pagkamatay ng ina niyang si Karina Constantino David sa edad na 73.

Si Ginang David ay dating Civil Service Commission chairperson. Nakiramay kay Kara ang kasama niya sa GMA News and Public Affairs na sina Mariz Umali, Nelson Canlas, Atom Araullo at iba pang katrabaho.

Ang latest na binawian ng buhay ang lumabas na lolo sa iconic food chain commercial, ang aktor na si Rudy Francisco sa edad na 96.

Si Ginoong Francisco ang lolo ng Kapuso artist na si Karen de los Reyes na lumabas na apo niya. Inihayag ni Karen ang malungkot na balita sa kanyang Instagram.

Ang aming pakikiramay...