Derek kinilala na si Andrea

MANILA, Philippines — Matapos ang announcement ng GMA sa pagbibidahang serye ng newest Kapuso actor na si Derek Ramsay na The Better Woman kung saan makaka-partner niya ang sexy actress na si Andrea Torres, agad na sumabak sa look test ang dalawa bilang paghahanda sa kanilang programa.

Kasama rin sa look test si Ina Feleo at makikita sa naglabasang photos na komportable ang tatlo sa isa’t isa kahit first time nilang magsasama sa isang proyekto.

Happy si Derek dahil sign daw ito na magiging smooth ang kanilang samahan tuwing taping.

Saad ng hunk actor, “You get to see the other side of her [Andrea], which to me is very, very important. If you want to build a bond with your leading lady, you should know who she is - her showbiz side and her real side.”

Aminado naman si Andrea na pinaghandaan niya talaga ang kanyang bagong show at gagawin niya ang lahat para mabigyan ng justice ang role sa serye.