Kakai dedma sa bashers

May hugot si Kakai Bautista sa kanta niyang Parang Paalam na.

In fairness kayang kabugin ni Kakai ang ibang singer sa maganda at malamig niyang boses. Puwedeng gawing theme song ng isang movie.

Samantala, enjoy na enjoy si Kakai sa pang-aagaw ng atensyon habang nasa shooting sila ng pelikula nina Alden Richards at Kathryn Bernardo na Hello, Love, Goodbye sa Hong Kong.

Inis na inis naman ang fans ni Alden dahil masyado itong maharot sa aktor. Kaliwa’t kanan tuloy ang bashing na naranasan niya. Pero malakas ang loob ng tinaguriang dental diva, dedma lang siya at mas lalo pa niyang inaasar ang fans. Sinasabi niyang si Alden ang kanyang bagong boyfriend.

Nabuo tuloy ang loveteam nilang tinawag na KaiDen.

Bukod kay Alden, na-link na rin si Kakai sa aktor na si Ahron Villena na inakala ng lahat na dyowa niya talaga pero pinaasa lang din pala siya nito. Naugnay din siya sa Thai actor na si Mario Maurer na naging malapit kay Erich Gonzales.