Dingdong tinuldukan na ang tsikang mag-oober da bakod

Bukas ng umaga (Monday, April 22) ay nakatakdang mag-renew ng exclusive contract si Dingdong Dantes sa GMA network. This means na hindi totoo ang mga espekulasyon na lilipat na ng network ang Primetime King ng Kapuso network.

Nang mabalita kasi na nakatakdang mag-expire ang kontrata ni Dingdong at hindi pa malaman kung magre-renew siya, may mga nag-isip na baka raw mag-ober da bakod na ang aktor lalo pa nga’t love rin siya ng Kapamilya network.

Pero obviously, nanatiling Kapuso si Dong na for so many years now ay naging tahanan niya at kung saan din siya sumikat at nagkapangalan. Dito na siya lumaki, nagbinata, nag-mature, nagka-girlfriend at nagka-asawa.

Timing na timing din naman na kapapanganak lang ng misis niyang si Marian Rivera sa kanilang first son na si Sixto G. Dantes IV last week kaya naman this really calls for a celebration.

Kim ‘Sir’ ang tawag kay Xian, hindi rin nag-i love you back

“I fell in love with you right away,” ang sweet na mensahe ni Xian Lim sa birthday greetings niya para sa girlfriend na si Kim Chiu.

Nagdiwang ng kaarawan si Kim last April 19 (Good Friday) sa Balesin Island pero bago ito ay kasama niya si Xian sa Taiwan.

Sa pasabog na birthday message ni Xian, ikinuwento niyang nagkakilala raw sila ni Kim 10 years ago at na-in-love na siya agad sa dalaga kasama ang picture na nasa Taiwan sila.

Sumagot naman si Kim at nagpasalamat sa bf.  “Ay oh!!!!! (three hearts) salamat po sir!! Hahaha (face throwing a kiss emoji).”

May mga nag-react sa sagot ni Kim dahil wala man lang daw “love you too” at kinukuwestiyon din kung bakit “sir” ang tawag niya kay Xian.

May mga nagtanggol naman kay Kim saying hindi dapat i-judge ang aktres sa paraan ng pagsagot niya. May nagsabi ring ang three hearts emoji raw ang way nito of saying “I love you.”

Anyway, sa kanyang IG account ay nagpasalamat si Kim kahapon sa lahat ng nakaalala sa kanyang kaarawan.

“Anyos bente-nuwebe!!!

“Because yesterday was good friday I took a social media day off to honor and reflect on how Jesus died for us and at the same time it was my day of birth I just want to say THANK YOU to the man above for giving me this wonderful life!!! thank you to everyone who greeted me and for remembering. love you all! appreciate it so much,” post ni Kim.