Sharon Cuneta nakapag-reminisce sa Canada

MANILA, Philippines — Dumagsa ang maraming tagahanga ni Megastar Sharon Cuneta sa ginanap na concert sa Queen Elizabeth Hall sa Toronto, Canada.

Halatang maraming nanabik na makita at marinig muli ang nag-iisang Megastar. Nakasama niya sa concert ang kanyang anak na si KC Concepcion at ang batang si Alysa Grace Datu, ang alaga ni Mega noon sa The Voice Kids Philippines.

Sina Beverly Vergel, Baby K Jimenez, at katotong Nap Alip ang sumalubong kay Shawie sa airport. Teary eyed daw ito dahil nagbalik ang kanyang alaala sa mga kasamahan sa showbiz noong araw.

Maine Mendoza at Arjo Atayde ayaw sugalan sa pelikula!

Umaariba ang publicities ngayon about Maine Mendoza at Arjo Atayde buhat nang umamin silang dalawa sa kanilang relasyon. Ang nakakapagtaka lang, bakit parang wala yatang nagkakainteres na kunin silang dalawa para ipanlaban kina Kathyrn Bernardo at Alden Richards? Sabi ng iba, hindi raw kikita ang dalawa pag pinagsama kaya walang gustong sumugal.

VM Joy mahal na mahal ang mga taga-showbiz

Parang artista ang arrived ni Mayor candidate sa Quezon City na si Joy Belmonte noong duma-ting ito sa birthday celebration ni dating barangay captain na kagawad ngayon na si Richard Yu, ang loving husband ng aktres na si Amanda Amores.

Samantala, sa pakikihalubilo ni Vice Mayor Joy, makikita mo sa kanyang mahal niya talaga ang mga taga-showbiz.