Heaven nagsalita sa relasyon sa panganay ni Pacquiao

Itinanggi ni Heaven Peralejo na boyfriend niya ang panganay sa tatlong anak na lalaki ni Pambansang Kamao Manny Pacquiao na si Emmanuel ‘Jimuel’ Paquiao Jr., at lalong hindi rin daw ito nanliligaw sa kanya. Ganunpaman, ‘di naman niya itinanggi na magkaibigan silang dalawa.

They are both 19 years old.

Isa pang itinanggi ni Heaven ay ang balitang nagkagusto siya kay McCoy de Leon na kasalukuyan niyang leading man ngayon sa seryeng Wansapanataym Presents: Mr. Cutepido. Kaya nga raw labis siyang nasaktan sa pamba-bash na natanggap dahil kontra raw siya sa tambalan nina McCoy at Elisse.

Ang totoo raw ay kaibigan lang ang turingan nila ni McCoy.

Ayon kay Heaven, ang totoong nanligaw daw sa kanya ay si Markus Paterson, who competed sa Pinoy Boyband Superstar, pero tatlong buwan lang daw yata nagtagal ang panunuyo ni Markus sa kanya, pahayag ni Heaven.

The next thing she knew daw, Marcus was singing beautiful music with fellow Kapamilya singer, Ylona Garcia.

May movie sa kasalukuyan na showing si Heaven, ito ay ang Familia Blondina ni Karla Estrada, kasama sina Jobert Austria, Boboy Garovillo, Marissa Delgado at fellow young talents na sina Marco Gallo and Xia Vigor, among others.

Of Jimuel, he is the one who reportedly would like to be a boxer, too, like his dad.

Pakiusap nga lang daw kay Jimuel ng kanyang ama ay tapusin muna nito ang kanyang pag-aaral.

Sa isang kilalang international school dating nag-aaral si Jimuel, until daw Manny encouraged him na lumipat sa isang Christian school.

Christian na-e-excite sa mangyayari sa kanila ni Hero

Sa tingin ni Christian Bables, may kakaibang pupuntuhan ang supposed close friendship na namamagitan sa characters na ginagampanan nila ni Hero Angeles na gumaganap na beki sa serye nilang Halik, which he says, nakakapagpa-excite sa kanila.

But he would rather not tell what he thinks ang mga eksenang pupuntahan ng roles na ginagampanan nila ni Hero.

Ganunpaman, masaya si Christian na naging parte siya ng nasabing serye.

Magagaling at mababait daw ang kanyang co-stars, gaya nina Jericho Rosales, Sam Milby, Yam Concepcion, Amy Austria, Romnick Sarmenta, Cris Villanueva, Yen Santos and Yam Concepcion.

Ayon pa sa kanya, hindi raw puwedeng kampante lang siya kapag may eksena sila. Ito rin daw ang dahilan kung bakit nag-submit siya to a workshop conducted by Direk Rahyan Carlos.

Feeling niya raw ay nag-improved siya as an actor after the acting workshop.

Currently nga pala, as a talent, he is now being managed by talent manager, book author and TV host, Boy Abunda.

Bong gustong tumaas sa survey

Nasa top 10 man si former Senator Bong Revilla sa current SWS survey, among possible 12 senatorial winners in the May 2019 election, hindi pa rin siya kampante. If possible nga naman, gugustuhin niyang tumaas pa ang kanyang numero.

Matindi ang kanyang pagnanais na muling makapaglingkod sa mga mamamayang Pilipino tulad noong ‘di pa siya na-detained sa Custodial Center ng PNP.

Marami raw siyang planong alam niyang makakatulong para umangat ang buhay ng bawat pamilyang Pilipino. Aware raw siya sa kung anumang hirap na dinaranas ngayon ng mamamayan. Idinaraing daw ito sa kanya at sa kanyang mga kapwa kandidato ng mga taong nakakausap nila sa bawat bayang kanilang pinupuntahan para mangampanya.

As for the movies, showbiz, in particular, nasa agenda rin niya ang tumulong para lalong umangat ito. If only for the sake rin ng mga taong umaasa sa hanapbuhay na ito.

Well, good luck, Sen. Bong.

Buhay ni Tetchie uungkatin sa MMK

In this Saturday’s episode of Maalaala Mo Kaya (MMK), former sexy star Tetchie Agbayani will be featured. Ang lead stars ng nasabing drama anthology, hosted by Charo Santos-Concio ay sina Joem Bascon at Denise Laurel.

Techie will be remembered as the only Filipino actress na na-feature in the cover of Playboy Magazine German edition.

Currently, Tetchie is a member of the faculty staff of a top university in Quezon City kung saan she is a Psychology professor.