Karen Davila nagpasalamat sa pagtatanggol ni Manny Pacquiao

Matatawag na isang gentleman si Senator Manny Pacquiao dahil sa pagtanggol niya sa broadcast journalist Karen Davila pagkatapos itong ma-bash ng netizens dahil sa “unprofessional” line of questioning nito sa ANC’s Headstart.

Ayon kay Pacman: “I was never offended by her manner of questioning. Isa po siyang batikan sa larangan ng broadcasting at trabaho po niya na magbigay ng mabibigat na tanong sa taong kanyang ini-interview.”

Na-turn off ang netizens kay Davila dahil sa pag-grill nito kay Pacman tungkol sa college degree at kunsaan ito nag-aaral ngayon. Pero sikreto nga raw kunsaan nag-aaral ngayon si Pacman.

Nabanggit naman ni Pacman kay Davila na pinaghahandaan niya ang lahat.

“Naghahanda naman ako. Ako kasi yung tao na hindi kailangang pagsabihan kundi ginagawa ko yung kailangan kong gawin. Like boxing, boxer ako, champion, but actually hindi lang boxing ang sport ko, basketball, volleyball, chess, billiards. Kumbaga, nilalaro ko lahat,” sey ni Pacman.

Nagpasalamat naman si Davila sa pagtatanggol sa kanya ni Pacman sa isang lengthy Twitter message:

“Thank you Sen @mannypacquiao for setting the record straight. I’ve been asked, “bakit mo tinanong kasi si Manny about his college degree?”. To put in context - Manny was invited to the show as the campaign manager of PDP Laban, a party that supports Federalism. 

“Under the Federal Draft charter is a proposal requiring college degrees for senators & higher office. I asked Manny if he agrees w proposal & was surprised he said, “yes, I agree”. So i asked why... and he revealed that “nag-aaral ako at tinatapos ang college degree ko”

“I have worked in Habitat Phils with Manny. He has been on Headstart 4x & even had a 2 hour breakfast w him after the show. We discussed the university where he is getting his degree among other things. This is why I am grateful Manny set the record straight #ANCHeadstart.

“Tanong nyo... Do I agree w the college degree requirement for higher office? Tulad ni former CJ Hilario Davide... NO. Pero sa #ANCHeadstart, ako po ang nagtatanong. Si Manny ang nakaupo at posibleng tumakbo pa sa mas mataas na posisyon sa 2022. Salamat po.”

Joyce Pring nawala ang sakit sa topless photo ni Juancho Trivino

Bigla raw nawala ang iniindang sakit ni Joyce Pring nang makita niya ang topless photo ng kanyang rumored suitor na si Juancho Trivino.

Kabilang na si Juancho sa mga sexy endorsers ng Bench kaya noong lumabas na ang campaign nito for the said fashion brand, nalokah si Joyce sa ganda ng katawan ni Juancho.

“Naloka ako! Naloka talaga! Hindi ko kinakaya ang bagong campaign ni Juancho Trivino. But I’m very happy for him and I’m very proud of him,” nasabi na lang ni Joyce.

Kailan lang kasi ay naospital si Joyce dahil sa overfatigue. Sunud-sunod daw kasi ang mga trabaho niya, pero hindi naman daw siya nagrereklamo. Kailangan lang daw magpahinga ng kanyang katawan.

“Hindi ko nararamdaman ‘yung pagod na nagugulat na lang ako. But because of that I was reminded to really take my vitamins and take care of my body better at kailangan ko talagang magpahinga.

“Very blessed ako kasi I have a great team with me. ‘Yung team ko talaga, my management and the people that I work with, mula sa mga makeup artist, hair stylist, sa stylist, sobrang nabe-bless ako sa kanila kasi nagiging pamilya ko na rin sila.”