Karen inaakusahan na namang educated but not well-mannered!

Nakatanggap ng matitinding bashing ang news anchor at host ng Headstart sa ANC na si Karen Davila dahil sa interview nito kay Pambansang Kamao Senator Manny Pacquiao kamakailan.

Masyado raw kasing na-grill ni Davila si Pacman tungkol sa college degree nito. Tinanong kasi ni Davila si Pacman kung importante ba sa mga senador at president ang magkaroon ng college degree, ang sagot daw ni Pacman ay yes.

Pinupunto ni Davila na kung ang college degree ang basehan, hindi qualified si Pacman dahil high school dropout at nakapasa lang daw ito after nitong mag-high school equivalency exam noong 2007. Nag-enroll daw ito sa isang business program sa Notre Dame of Dadiangas University in General Santos City pero wala raw itong nakuhang college degree.

Pero sa ilalim daw ng The Philippine constitution “only requires that senators and presidents be able to read and write.”

Sa interview ni Pacman, sinabi nito kay Davila na he is pursuing a college degree pero hindi niya sinabi kung anong school na siyang gustong malaman ni Davila.

   Heto ang naging takbo ng usapan nila:

   Davila: Pero teka lang, tinatapos mo ba ang college degree ngayon o hindi?

   Pacquiao: Tinatapos.

   Davila: Anong eskwelahan?

   Pacquiao: Eskewelahan? Dito lang.

   Davila: Saan yun?

   Pacquiao: Dito sa Maynila.

   Davila: Malaking istorya ‘yun, anong pangalan ng eskwelahan?

   Pacquiao: Ibubulong ko na lang sa yo mamaya.

Maraming netizens ang nakaramdam ng hiya para kay Pacman dahil sa pag-grill ni Davila rito. Kaya nakatanggap si Davila ng bashing at ilan dito ay: “Educated but not well-mannered.”, “I’m a bit disappointed the way Karen Davila ask (sic) Manny Pacquiao“, It’s rude, Karen Davila. Very unprofessional”, “You have to point it out to Manny? And on television too.”, “Why do you need to rub it in on someone’s face that he is not qualified in case the basis for education is a college degree?”

 Pero may nagtanggol sa paraan ng pagtatanong ni Davila kay Pacman.

Hindi ito ang unang pagkakataon na na-bash si Davila sa pag-grill nito sa isang senatorial candidate on TV. Noong 2015, si Alma Moreno ang na-grill sa tanong ni Davila tungkol sa Reproductive Health Law.