Carlo at Nadine inaabangan kung may chemistry!

Teaser pa lang ng movie na Ulan nina Nadine Lustre at Carlo Aquino ay marami na agad ang nagtanong kung ano ang title ng soundtrack nila. Marami kasi ang nagandahan nang marinig ito.

Ang title ng kanta ay Heto Na Naman na kinanta ni Rice Lucido. Catchy ang tunog nito kaya naman hindi na nakapagtataka na agad itong nag-boom.

Base sa inilibas na teaser ng Viva Entertainment, mukhang may halong fantasy ang kuwento ng pelikula. Inaantay na ng marami ang tambalan ng dalawa dahil ito ang unang beses na nagsolo si Nadine mula sa JaDine na loveteam nila ng boyfriend niyang si James Reid. Bukod pa rito, ito rin ang unang beses nila na magtatambal ni Carlo, kaya inaabangan kung sila ba ay may chemistry.

Bago gawin ang Ulan, si Xian Lim ang unang choice ng Viva para makapareha ni Nadine bukod kay Marco Gumabao, pero sa kadahilanang inuna ni Xian ang pagdidirek, doon na ipinalit sa kanya si Carlo.

Ang huling pelikulang ginawa ni Carlo ay ang Exes Baggage kung saan kapareha niya ang dating girlfriend na posibleng nakabalikan na niya ngayon na si Angelica Panganiban. Naging blockbuster hit ang nasabing pelikula na dinirek ni Dan Villegas.

Ang huling pelikula namang ginawa ni Nadine ay ang pelikulang Never Not Love You with James Reid.