Maine at Alden ayaw pa ring sukuan
MANILA, Philippines — Marami ang umaasa na posible pang magkabalikan ang phenomenal love team na AlDub na sina Maine Mendoza at Alden Richards. Wala man silang ginagawang project ngayon, nagkikita pa rin naman daw ang dalawa ‘pag may pagkakataon.
Sa event nilang Timeless na idinaos kamakailan lang, makikitang wala pa ring nagbago sa samahan ng dalawa. Madalas pa rin silang magbulungan sabay ngingiti kaya naman sobrang kinikilig ang kanilang fans, lalo na ang mga matatandang sumusubaybay sa kanila. Suportado pa rin sila ng karamihan kahit na mukha na silang nagkanya-kanya.
Sa nasabing event, kumanta ang isa sa Broadway Boys na si Joshua Lumbao ng kanyang sariling composition na pinamagatan niyang Ate Menggay. Natutuwa naman si Maine dahil nakakapagbigay inspirasyon siya sa iba para makagawa ng maganda.
Mommy Dionisia magko-concert sa Araneta!
Sa unang linggo ng Disyembre, balitang magkakaroon daw ng concert ang sikat na nanay ni Pambansang Kamao, Manny Pacquiao, si Mommy Dionisia Pacquiao o Mommy D. Gaganapin daw ang nasabing concert sa Smart Araneta na handog ng Palawan Express Pera Padala.
Makakasama niya rito ang mag-amang Benjie Paras at Andre Paras na pawang mga endorser din ng Palawan.
Kilalang magaling sa dance floor si Mommy D, kaya naman asahan na ng mga manonood na magpapasiklab ito sa stage ng Araneta.
Bukod kina Benjie, Andre at Mommy D, guests din sina Maymay Entrata at Kyline Alcantara.
Seksing bagets ipinareha kay Manoy!
Talbog ang ibang mga seksing artista sa aktres na si Ivana Alawi, paano ba naman kasi, siya ang napiling maging girlfriend ni Eddie Garcia sa pagbabalik niya sa FPJ’s Ang Probinsyano bilang pangunahing kalaban ni Coco Martin.
21 years old lang si Ivana at produkto ng Starstruck, kapatid niya ang child star na si Mona Louise Ray na bumida noon sa Munting Heredera.
Bago siya sumabak sa Ang Probinsyano, naitampok muna siya sa comeback series ni JM de Guzman na Araw Gabi kung saan gumanap siyang isa sa mga katrabaho ni Barbie Imperial na siyang leading lady ng huli.
- Latest