Bianca, recording artist na rin

Sa wakas ay natupad na ang pangarap ni Bianca Umali na maging recording artist sa ilalim ng GMA Records ng Kapuso network.

Hindi makapaniwala si Bianca na binigyan siya ng pagkakataon na magpakitang-gilas sa kantahan. Alam naman nang lahat na isang mahusay na aktres si Bianca na hindi lang magaling sa pag-arte dahil ngayon ay susubukan din niyang magparinig magagandang musika.

Isa pala sa pangarap ni Bianca ang maging singer at makakanta ng live sa harap ng mara­ming tao at ngayon ay excited na siyang magkaroon ng sarili niyang album.

Nagpapasalamat si Bianca sa kanyang bagong blessings na mapabilang sa singer ng GMA at magkaroon ng sarili niyang single na ipaparinig sa kanyang mga fans.

Ang pagiging singer ni Bianca ay magsisilbi raw na isa pang milestone sa kanyang career ngayong pumirma na siya ng kontra sa nasabing music recording label ng kanyang home studio.

Posibleng magagawa na raw kantahin ni Bianca ang mga theme song ng kanyang mga series sa TV.