Rita enjoy na enjoy sa pagiging bida-kontrabida!

Hanggang ngayon ay hindi makapaniwala si Rita Daniela na on the spot niyang naka-duet si Jose Mari Chan sa presscon nito kamakailan lang para sa concert niyang Going Home To Christmas sa December 22 at gaganapin sa The Theater, Solaire.

Para raw naka-jackpot si Rita nang mag-request si Jose Mari na kantahin nila ang Please Be Careful With My Heart.

Si Rita ay nanggaling sa singing contest na PopStar Kids ng QTV11 noon kung saan kasabayan niya ang singer din na si Julie Anne San Jose.

Ngayon ay namamayagpag na si Rita bilang si Aubrey na karakter niya sa My Special Tatay na serye ni Ken Chan.

Trending ngayon ang loveteam nila dahil sa kakaibang istorya nito kung saan nagkaroon sila ng anak ni Ken na isang autistic habang siya naman ay isang kaladkaring babae.

Natutuwa siya dahil naiinis sa kanya ang mga manonood, ibig sabihin lamang nito ay epektib ang kanyang pag-arte bilang bidang kontrabida.