Nagbago na talaga? Baron aktibo sa spiritual life, abala sa negosyong barberya!

Mukhang tuluy-tuloy na ang pagbabago ng kontrobersyal na actor na si Baron Geisler.

Noong nakaraang November 15 ay naimbitahan ang actor para sa Recovery Olympics and Run Against Illegal Drugs sa Oroquieta City, Misamis Occidental. Kabilang ang actor sa mga kinuhang magsalita para magbigay inspirasyon sa maraming nag-surrender at gustong baguhin na ang direksyon ng kanilang buhay.

Magandang example nga si Baron dahil maraming nag-akala na hindi na ito mababago pa, pero ngayon ay ‘di makapaniwala ang marami sa malaking change sa buhay nito. Bukod sa pagiging aktibo sa kanyang spiritual life, active din si Baron sa sports at sa pag-asikaso ng kanyang negosyo na isang barber shop sa Cebu.

Nag-share pa ng ilang Bible verses si Baron para sa mga nag-surrender sa iba’t ibang areas ng Misamis Occidental na ngayon ay nasa pangangalaga na ng PNP doon.

“I had a good time meeting the surrenderees from the different areas of Misamis Occidental who are now working hand in hand with the PNP. To stop any addiction (healing the wound): meditate on this verses... John 8:32, ‘Then you will know the truth, and the truth will set you free.’ John 8:36, ‘So if the Son sets you free, you will be free indeed.’ 1 Corinthians 6:19–20,” bahagi ng caption pa ni Baron.

National costume ni Katarina iniintriga

May positive at may negative reaction sa social media ang natanggap ni Miss World Philippines 2018 Katarina Rodriguez dahil sa pinasuot sa kanyang Kalinga warrior national costume sa Dances of the World auditions ng Miss World 2018 in Sanya, China.

Pinost ng Miss World ang mga suot na national costume ng mga candidates sa mga social media account nito.

Gawa ni Francis Libiran ang national costume ni Katarina na inspired sa Kalinga warriors. “Queen Katarina is a Kalinga warrior! Parading in her national costume for the Mangrove Tree Resort Parade as part of their official welcome to #MW2018!  from the @missworld FB page,” post pa ng Miss World.

Bawat candidates kasi ay nag-perform ng sayaw ng kanilang bansa. 

Sa December 8 magaganap ang coronation night ng Miss World 2018.