Marian nanghihingi na agad kay Lord ng kasunod na baby!

Sa ganda at naiibang aura ngayon ni Kapuso Primetime Queen Marian Rivera, hinuhulaang baby girl muli ang isisilang niya, kasunod ng panganay nila ni Dingdong Dantes na si Zia.

Humarap muli for another endorsement sa Kultura si Marian, ni-launch niya ang Kultura x Marian Rivera Timeless Pearls, last Thursday afternoon. Ipinakita muna ni Marian sa mga kaharap niya ang collection ng mga pearl na siya mismo ang nag-design, like earrings, necklaces, even iyong panglagay sa buhok. “Natutuwa akong mag-design, dahil binigyan ako ng chance ng Kultura. Thankful ako  dahil nagugustuhan nila ang mga designs ko.”

Mukhang mamahalin ang mga designs ni Marian,but when asked ng prices very affordable naman pala. Available na ang mga design  ni Yan sa mga outlets ng Kultura sa mga mall.

Binati ng mga kausap niya si Marian dahil malaki na ang baby bump niya at lagi siyang masaya.

“Siguro dahil may Zia na ako who will turn 3 na sa November 23, at may isa pang darating, at sana isa pa, at isa pa. Gusto namin ni Dong three or four children. Parating pa lamang iyong pangalawa, humihirit na ako ulit kay Lord. Lahat naman ng hiniling ko sa Kanya, ibinibigay Niya, kaya masayang-masaya ako.”

Alam na nilang mag-asawa ang gender ng baby nila, pero ayaw pa ring sabihin ni Marian kung boy or girl. Sa birthday daw ni Zia nila iri-reveal ang gender ng baby.

“Tinanong namin si Zia kung gusto ba niyang mag-celebrate ng birthday niya with her classmates and friends pero ayaw niya.  Sabi niya: “No Mama, I want to go to Disneyland.”  First time makapupunta si Zia sa Disneyland, gusto raw niyang makakita ng mascots. 

SPS walang babaguhin

Nakausap namin si Ateng Rams David, Executive Producer ng Sunday PinaSaya, at natanong kung totoong may mga changes silang gagawin sa show simula bukas, November 18, tulad nang napapabalita.

“Wala naman,” sagot ni Ateng Rams. “Patuloy pa rin kaming magbibigay ng saya sa mga televiewers sa pamamagitan ng mga funny sketches na ginagampanan ng 20 hosts ng show, dahil doon kami nakilala. Siguro, bubuhayin namin iyong mga comedy hits ng 70’s, 80’s, 90’s at i-refresh sa mga millennials ngayon.

“Ilo-launch namin muli tomorrow, ang Christmas campaign na pipili kami every Sunday ng mga taong pararangalan namin. Ilo-launch na rin namin ang 2019 GMA Station ID at big promo ng Cain at Abel nina Dingdong Dantes at Dennis Trillo.”