Solenn aminadong napipikon din sa mga biro ng asawa

Maraming netizens ang natawa sa Instagram post ng mister ni Solenn Heussaff na si Nico Bolzico para sa kanyang brother-in-law na si Erwan Heussaff.

Nag-late honeymoon kasi ang mag-asawang Erwan at Anne Curtis sa Africa kaya nami-miss ni Nico ang isa sa members ng kanilang Bullied Husbands Club.

Sa pagkakasulat kasi ni Nico sa IG, parang namaalam na si Erwan dahil inalala ni Nico ang mga ginagawa nito.

Pero sa bandang huli ng IG message ay sinabi ni Nico na hindi namatay si Erwan. Sa kanilang club daw kasi ay mandatory na gawan ng RIP message ang members na nagha-honeymoon.

In-explain ni Solenn na gano’n lang daw talaga ang mister niya pagdating kay Erwan.“Nico has this weird sense of humor na sila lang ni Erwan ang nagkakaintindihan. Ako nga, I’ve been a victim of Nico’s pranks na minsan it goes overboard. I do get a little annoyed pero we just laugh it off kasi that’s him. Yan ang lalakeng pinakasalan ko kaya wala kong choice.

“Ganun din si Erwan. Nahawa na siya sa pagiging prankster ni Nico. Kaya magkasundo sila.

“But I like it that way kasi it makes them closer. Feeling ko nga, si Erwan ang dapat na pinakasalan ni Nico kasi they spend more time together kesa sa akin,” natatawang pagtatapos pa ni Solenn na isa sa leading ladies ng bagong primetime teleserye ng GMA-7 na Cain At Abel.

Pauline feel na rin ang may ka-loveteam!

Binigyan ng ka-loveteam ang Kapuso teen actress na si Pauline Mendoza at ito ay ang model-turned-actor na si Vince Vandorpe. Magsasama sila sa teleserye na Cain at Abel.

Looking forward naman daw si Pauline na maging maganda ang pagtanggap ng fans niya sa pag-partner niya kay Vince who is half Pinoy and half-Belgian.

Wala pa raw silang nakukunan na eksena ni Vince sa Cain at Abel pero nagkakilala na raw sila noong mag-pictorial ang buong cast ng Cain at Abel.

Itinanggi naman ni Pauline ang balitang nililigawan siya ng Kapuso hunk na si Jeric Gonzales at nag-date sila minsan.