Kasal ng aktres at promising politician nagka-problema sa papeles sa ex!

Duda ang malalapit sa isang aktres Salve A. who gave up her career for a young and promising politician kung matutuloy pa ang kasal ng dalawa. Not after daw natuklasan ng aktres ang tungkol sa pulitiko at dating girlfriend nito.

May tungkol sa legalities ang problema, na ayaw idetalye ng aming source.

Sayang nga raw at both their res­pective families pa naman approve of their relationship.

And where their respective personalities are concerned, they look good for each other.

Rhian ayaw umamin sa investment sa pelikula

Sayang at wala si JM de Guzman sa press preview ng kanyang now showing movie, ang Kung Paano Siya Nawala, his first team-up with Rhian Ramos and his first screen appearance after magpa-rehab for two years due to drug abuse.

Tulad ni Rhian, inulan din siya ng papuri. Pareho silang magaling sa pagganap sa respective characters nila bilang Lio and Shana.

From Rhian, the press learned na co-producer siya ng sari­ling pelikula, which is a production of TBA Studios na siyang nag-produce ng pelikulang I’m Drunk, I Love You and Goyo, Ang Batang Heneral.

Kakaiba ang theme ng movie na mula sa direksyon ni Joel Ruiz, siya rin ang isa sa mga writer nito.

Ang movie ay tungkol sa isang lalaki, bata at good-looking, may trabaho pero nagsa-suffer sa face blindness. Isang cognitive disorder characterized by an inability to recognized faces.

Rhian, as Shana naman, is a pretty free spirit individual na may mga sikreto ring inililihim.

“When I read the script, na-in love ako immediately,” ani Rhian. “Kaya, nag-offer ako to co-produce it.”

Rhian, though, would not reveal the exact amount she spent as co-producer.

Basta, balak daw niyang muling mag-venture into co-producing, kahit pa hindi siya kasama sa pelikula.

Christian pinag-aralan ng husto ang pagluluto

Alam mo ba Salve A., kinailangan pa palang mag-undergo ni Christian Bables sa kilalang chef na si Reggie Aspitas para sa role niyang chef sa bago niyang pelikula na Recipe For Love produced by Regal Entertainment and directed by Jose Javier Reyes.

Ganunpaman, nakatulong naman din daw kahit papano na marunong at mahilig siyang magluto.

Ugali na rin daw kasi ng kanyang ama na siyang tumatayong cook nila sa bahay, ang gawin siyang assistant kapag nagluluto ito kaya naman naging magaling na cook din daw siya.

Nagdadala rin daw minsan si Christian ng mga pagkaing niluto niya at tuwang-tuwa siya tuwing nakikitang nilalantakan ito ng mga co-stars niya na sina Cora Waddell, Sophie Albert, Myrtle Sarrosa, Enrico Cuenca and of course, direk Joey.

Asked if may particular recipe ba siya for love, ang sagot ni Christian: “Tanging ang dalawang taong nagmamahalan ang makakasagot niyan.

“In my case, I’ve always been a faithful lover,” aniya. “In the same way that I’m faithful to whatever I’m assigned to do. Lalo na showbiz career ko,” susog pa ni Christian.

Christian feels lucky na kasama siya sa nagte-trending na series na Halik kung saan katrabaho niya ang mga magagaling na aktor at aktres tulad nina Jericho Rosales, Sam Milby, Yen Santos and Yam Concepcion.

“It’s a challenge, but nonetheless a learning experience working with them,” patuloy pa ni Christian.