Katarina sanay magsarili!

Excited nang makita at makausap ulit ni Miss World Philippines 2018 Katarina Rodriguez ang pinuno ng Miss World Organization na si Ms. Julia Morley.

Nasa Sanya, China na si Katarina para sa one month preparations at pag-attend ng activities para sa Miss World 2018 na gaganapin on December 8.

Sa kanyang Instagram account ay pinost ni Katarina ang photo nila ni Ms. Morley noong koronahan siya bilang Miss World Philippines 2018.

Sa isang post naman ni Katarina ay nagpasalamat ito sa kanyang glam team sa pag-buo ng kanyang mga isusuot sa mga events at activities ng Miss World.

“I know how much you all love the glamour & ootds during the pageant activities so I created two new highlights for you guys! One titled MWGlam & the other MWFashion to make it a bit easier for those following my journey to becoming #MissWorld2018  It almost takes an entire barangay to put together the perfect queenly wardrobe, and I just gotta say thank you to all those who helped with it all. You know who you are! I am the luckiest to have a team like I do,” caption pa niya.

Sanay na kasi si Katarina na asikasuhin ang sarili niya mula sa pag-ayos ng buhok, paglagay ng make-up at pagpili ng kanyang isusuot.

Bago ang Miss World, nakapag-compete na si Katarina noon sa Asia’s Next Top Model Cycle 2 at sa Miss Intercontinental 2017 kung saan nagging first-runner-up siya.

Kinilig naman si Katarina sa good luck message na pinadala sa kanya ni Miss World 2013 Megan Young.

Winwyn susubukan uling magka-korona?!

Kahit nakakuha na ng titulo bilang Reina Hispanoamericana 2017 si Teresita Ssen “Winwyn” Marquez, hindi pa rin daw niya sinasara ang possibility na sumali ulit siya ng beauty pageant.

Sa kanyang Instagram Q&A, may nagtanong kung gusto pa ba niyang sumali ng ibang beauty pageant.

Sagot ni Winwyn: “If given another chance why not but we’ll see.”

Sa ngayon daw kasi ay busy si Winwyn sa ginagawa niyang movie at pinag-uusapan pa ang gagawin niyang teleserye for GMA-7.

Selena Gomez nakalabas na ng rehab!

Noong nakaraang November 7 ay nakalabas ang singer-actress na si Selena Gomez sa pinasukan niyang psychiatric rehab facility ayon sa report ng E! News:

“Selena is refreshed and is in a better head space. She is out of her treatment program in NYC and is doing much better. But she will still be checking in with professionals as her health battle is ongoing.”

Habang nasa facility daw si Selena, nag-involve ito sa pag-aral ng  dialectical behavior therapy na isang type of therapy na gumagamot sa various mental health disorders.

Kung matatandaan ay nagkaroon ng emotional breakdown si Selena noong nakaraang October 10 pagkatapos bumaba ang white blood cell count niya.