Producer na magbabalik, hindi pangbida ang gagastusan
Maraming natuwa nang umugong ang balita na muling babalik sa film production ang hindi na aktibong kumpanya. Ilang taon din itong namahinga matapos gumawa ng magkakasunod na projects.
Mintis nga lang sa takilya ang nakaraan nitong projects kaya nanahimik ng ilang taon. So nu’ng umingay na babalik na ang outfit sa paggawa ng movie, happy-happy ang feeling ng iba lalo na ‘yung nagtatrabaho sa pelikula.
‘Yun nga lang, nang malaman nila kung sino ang gagawing bida sa movie, nadismaya sila. Kasi naman, suntok sa buwan na naman ang project kung matutuloy, huh!
Yes, kilala ang bida pero hindi naman ganoon kasikat para maging bankable sa takilya! Hindi naman kasi basehan ang kasikatan sa TV para tangkilikin ng tao sa sinehan, huh!
Ayon sa taga-movie industry, another wrong move ng outfit for a comeback kung matutuloy.
Singer-comedian lumaki agad ang ulo!
Nasilaw agad ang isang baguhang singer-comedian sa konting kasikatan na dumating sa kanya dahil napanood lang siya sa TV.
Ayon sa isang malapit sa singer-comedian, masyado na itong matanong pagdating sa bayad sa kanya sa tuwing may inquiry. Yes, panalo ang boses niya pero hindi naman basehan ‘yon para mag-demand na siya sa press sa kada appearance, huh!
Feeling niya, dapat pag malaki ang kumpanyang gustong kumuha sa kanya, dapat eh, malaki rin ang bayad sa kanya!
Naku, hindi kami magtataka kung dahil sa ugaling ito ng singer-comedian, mas lamang ang nganga ngayong Disyembre kesa masaya, huh!
- Latest