Thea maraming nadiskubreng problema ng transgender

MANILA, Philippines — Para mas maayos na magampanan ang karakter ni Thea Tolentino bilang isang transwoman sa Asawa Ko, Karibal Ko ng GMA 7, nag-immersion si Thea with transgender women. Isa sa mga naikuwento raw sa kanya ng mga nakilalang transgender ay ang mga problema na kanilang hinaharap dahil sa pagiging transgender tulad na lang kung paano nila ipaglaban ang kanilang mga karapatan.

Nais din ni Thea na makatulong na magkaroon ng positive reception ang mga manonood sa bagong teleserye nila nina Kris Bernal at Rayver Cruz.

Alden inspirasyon ang loyal viewers

Hindi maawat ang pagmamahal ng Kapuso viewers sa GMA telefantasya na Victor Magtanggol. Bukod sa nakakaaliw na Victor Magtanggol mobile app, pinatutunayan ni Alden Richards bilang si Victor na hindi kailangan maging superhero upang makatulong sa kapwa. Lalong dumarami rin ang mga umiidolo sa ating bida dahil sa kanyang mabuting kalooban at pagmamahal sa kanyang pamilya. Ayon kay Alden, ang loyal viewers ng kanyang program ang nagsisilbing inspirasyon niya para pagbutihin ang kanyang trabaho at mabigyan sila de-kalibreng programa gabi-gabi sa primetime.