Kuya Kim, matanglawin, panalo sa Star Awards for TV
MANILA, Philippines — Nagwagi na naman ang pinaka-premyadong educational program na Matanglawin sa ika-32 Star Awards for TV, kung saan pinarangalan itong Best Educational Program, at ang host nitong si Kuya Kim Atienza bilang Best Educational Program Host.
Sa ika-10 taon na ineeere ang programa, patuloy nitong hinahatid sa mga manonood ang hiwaga at ganda ng siyensya at likas na yaman. Ngayong Linggo, samahan si Kuya Kim sa kanyang pagbisita sa Philippine Lightsaber Guild, na may adbokasiya sa pagtatanggol sa sarili at kaligtasan. Makisali sa bakbakan nila ni Kuya Kim para matuto ang aerobics, wushu, at iba pang martial arts habang naka pang-Star Wars na costume.
Samantala, makikilala rin ni Kuya Kim ang isang lalaking ginamit ang kanyang talento sa pagta-tattoo sa kanyang adbokasiya.
Abangan iyan sa Matanglawin, ngayong Linggo (October 21), 9:45 am sa ABS-CBN at ABS-CBN HD.
- Latest