Aktor at aktres live in na raw kahit ‘di umaamin

True kaya na live in na ang isang actor at aktres na sinasabi ngang in a relationship pero hindi umaamin.

Sabi nila, ayaw lang diumanong maapektuhan ang career ni actor kaya walang aminang nagaganap. Pero ang totoo raw, meron talagang nangyayari na pagmamahalan sa aktor at aktres na ito na parehong may career.

Kung sabagay wala namang maghahabol sa ginagawa nila kung totoo ito. Pareho silang single. Ang siste lang ay kung accidentally ay mabuntis si aktres na lately ay parang inactive ang career.

MTRCB nagpa-seminar sa PWDs

For the first time ay nagsagawa ang The Movie and Television Review and Classification Board (MTRCB) ng Media Literacy Seminar and Film Showing para sa Persons with Disabilities (PWD) sa E.T. Ona Auditorium of the National Kidney and Transplant Institute (NKTI) Diagnostic Center. Dinaluhan ito ng mga miyembro ng Kidney Transplant Association of the Philippines sa pangu­nguna ng kanilang president na si Ms. Tess Prima.

Kasama rin sa mga dumalo ang dia­lysis and transplant patients with their family members.

Ang nasabing event ay upang palawakin ang kaalaman sa panood ng pamilya ng may mga kapansanan at may sakit.

Pinangunahan ang nasabing seminar ni MTRCB Chair Maria Rachel Arenas with Dr. Joselito Chavez, NKTI Deputy Executive Director for Medical Services.

Ang mga Board Member naman ng MTRCB ay ipinaliwanag ang kapangyarihan, ginagawa ng ahensiya at ang proseso sa television review and classification ratings and processes. Nanguna sa discussion BMs Bibeth Orteza, Keats Musngi, Dennis Padilla, and Bogie Reyes.

Pinag-usapan din sa seminar ang tungkol sa organ donation sa pagdalo ng Human Organ Preservation Effort (HOPE) of NKTI. Klinaro rin nila ang tagline na Sharing is Caring and saving other people’s lives by donating one’s organ.

Natapos ang seminar sa pagpapalabas ng family-oriented co­medy drama film, Seven Sundays directed by Cathy Garcia-Molina. Sumipot naman si  Charlie Dizon ng Star Magic.