Andrea inilabas na ang tinatagong boses

Impressive ang bagong single ni Andrea Brillantes na Spark of Summer na ini-release ng Star Music Ph. Akala kasi ng marami ay international singer ang kumanta, ‘yun pala ay si Andrea.

May itinatago rin pala siyang magandang boses bukod sa galing sa pag-arte. Lalo tuloy naging proud ang fans ng young actress dahil sa mga talentong ipinapakita niya.

Samantala, ang bilis talaga ng panahon para kay Andrea, parang kailan lang kasi ay ang cute-cute at ang liit pa niya sa Annaliza kung saan una siyang bumida kasama si Zanjoe Marudo na gumanap bilang kanyang tatay. Ngayon ay magbibida na naman siya sa isang kakaiba at take note, adult role na serye, ang Kadenang Ginto kung saan makakatapat niya ang bagong artista ng ABS-CBN na si Francine Diaz. Makakasama niya rin sa nasabing serye sina Albert Martinez, Beauty Gonzales, Dimples Romana, Adrian Alandy at marami pang iba.