Nora talent manager na ni John Rendez!
Talent na ng Star Music si John Rendez dahil pumirma ito ng recording contract sa nasabing record label. Kasama ni John Rendez si Nora Aunor nang pumirma siya ng kontrata at doon nalaman na si Nora ang tumatayong manager ni John.
Rap ang genre ng music ni John, isa siyang rapper at natatandaan namin, minsan na itong nag-release ng album a few years back.
Uso pa rin ang rap music ngayon at hindi ma-a-out of place si John. Composer din si John at hindi siya mauubusan ng material na isasama niya sa ire-record na album.
Nanghinayang lalo ang supporters ni Nora, dapat daw gumagawa rin ito ng album, pero dahil nasira ang boses, hindi na siya makakanta at hindi na naririnig ang magandang boses.
Marian tuloy ang show sa US
Nagtatanong ang fans ni Marian Rivera kung matutuloy ba ang aktres sa Kapusong Pinoy show sa Anaheim, California. Ayon naman sa update na aming nabasa, “As far as we know Marian is STILL going and she’s excited to join her fellow Kapuso to make our Kapuso abroad happy. Muchos gracias for making Paskuhan at Kantawanan. SOLD OUT!!!”
Sabi rin ni Christian Bautista na kasama ni Marian, tuloy si Marian at tama ba kaming sa October 4, na ang alis nila? Dagdag pa ni Christian, nothing to worry si Dingdong Dantes dahil aalagaan nila nina Julie Anne San Jose at AiAi delas Alas si Marian habang nasa ibang bansa sila.
Speaking of Marian, wala pa uli siyang follow-up after nilang i-announce ni Dingdong na “they are pregnant.” Hindi nabanggit ng mag-asawa kung ilang months ng buntis si Marian, kaya kanya-kanyang hula ang fans ng dalawa kung ilang buwan na si Baby Dantes.
Jasmine naka-relate sa pagiging second family
Sobrang nakaka-relate si Jasmine Curtis-Smith sa role niyang si Pearl Pineda sa dramedy ng GMA-7 na Pamilya Roces dahil in real life, second family din sila nina Anne Curtis ng kanilang Australian dad.
Ang first family ng dad nila ay nasa Australia, sila ang second family at may third family ang dad niya sa Angeles City. Ang kaibahan lang, in real life, magkakasundo silang magkakapatid, hindi kagaya sa Pamilya Roces na magkakaaway ang three wives ni Roi Vinzon at ang Roces siblings.
Magsisimula ang airing ng Pamilya Roces sa October 8, after Onanay sa direction ni Joel Lamangan na first time niyang makakatrabaho. Gusto niya ang working habit ni direk Joel na maagang nagsisimula ang taping at maagang natatapos.
- Latest
