Xian naglabas ng bagong single

Pagkatapos niyang maging busy sa pelikula niyang Miss Granny kasama sina James Reid at Sarah Geronimo, humahataw naman ngayon si Xian Lim sa bago niyang single na Heto Na.

Si Marion Aunor ang nag-compose ng nasabing kanta, at hindi inaasahang maganda pala ang magiging collaboration nila.

Available na sa lahat ng digital music stores ang single niyang ito at tiyak na papakyawin na naman ng kanyang fans.

Bukod sa pagsuporta ng rumored girlfriend niyang si Kim Chiu noong premiere night ng Miss Granny, siyempre full support pa rin siya sa bagong single ni Xian.

Kahit na lumipat na si Xian ng talent agency, patuloy pa rin silang nagpapakilig ni Kim sa fans ng kanilang loveteam na KimXi.

Na-miss tuloy ng mga fans na muling magsama ang dalawa, sana raw sa music video ng iba pang mga kanta niya ay makasama na si Kim.