Kiss Me, Kiss Me challenge ni Sarah, super trending!
Nakakatuwa ang pinauusong dance craze ngayon ni Sarah Geronimo mula sa official soundtrack ng pelikula nilang Miss Granny kasama sina James Reid at Xian Lim, ang kantang ito na Kiss Me, Kiss Me ay nagte-trend ngayon bilang isang challenge at parami na ng parami ang nakikiuso.
Pati mga tita at lola na suki sa mga zumba classes ay game na game na nakikiindak sa nasabing dance craze.
May hashtag pa ito na #KissMeKissMeChallenge sa social media.
Maganda ang pelikula na ito lalung-lalo na para sa millennials, ang iba nga ay nangako pa na dadalhin nila sa mga sinehan ang kanilang mga nanay at lola para mapanood ito. Tiyak na mapapangiti sila rito at makakapag-reminisce ng maraming alaala noong kapanahunan nila.
Ibinalik ni Sarah ang mga tugtugan noong 60’s to 80’s na hanggang ngayon naman ay pumapatok pa rin sa lahat, mapabata man o matanda.
Proud ang fans ni Sarah dahil kahit marami na ang gumawa sa South East Asia ng Miss Granny, tingin nila ay ang adaptation ng ‘Pinas ang pinakamaganda.
Sa pagkanta pa lang ni Sarah ay parang dinadala ka na sa unang panahon, paano pa kaya kung napanood na ang buo nilang pelikula na tiyak na kapupulutan ng magandang aral.
- Latest
