PPP entries inuulan ng Grade A

Umuulan ng Grade A movies sa entries sa Pista ng Pelikulang Pilipino. Grade A ang dalawang movies ni direk Jason Paul Laxamana na Bakwit Boys at The Day After Valentine’s.

Ang latest entry na biniyayaan ng A grade mula sa Cinema Evaluation Board ay ang Signal Rock na dinirek ni Chito Roño at pinagbibidahan ni Christan Bables.

Aba, super inspired si direk Chito sa paggawa ng movie. Ilang linggo silang tumira sa Biri, Samar para mabusisi nang husto ng paggawa ng movie.

Hindi na bago sa direktor ang gumawa ng de kalidad na movie pero iba itong Signal Rock dahil passion project niya ito.

Anyway, kahit umulan ay tuloy ang Parade of Stars ng mga entry sa Pista ng Pelikulang Pilipino ngayong araw.

Ang fans day ay gaganapin sa isang hall sa SM Aura at kinagabihan ay diretso sa screening ng mga entry.