Marian, Dingdong at Zia ginagamit daw sa Probinsyano!
MANILA, Philippines — Wala pa tayong nasagap na balita kung anong hakbang ang ginawa ni Dingdong Dantes sa isyung ipinarating sa kanya ng fans nila ni Marian Rivera na kung saan, ginamit sa eksena nina Joko Diaz at Mickey Ferriols sa FPJ’s Ang Probinsyano ang photo nila ni Marian at Zia sa binyag ni Zia.
Nag-comment kasi si Dingdong ng “Please send me this clip” at “Thank you for pointing this out. I will take it from here” sa video clip na nai-post ng The Dongyanatics sa Instagram (IG).
Sa video, pinalitan ang mukha nina Dingdong at Marian ng mukha nina Joko at Mickey, pero ang mukha ni Zia, hindi pinalitan.
Sumbong pa ng fan, dalawang beses na ‘yun ginawa ng staff ng Ang Probinsyano, ginamit daw ang wedding picture nila ni Marian at pinalitan lang ng mukha nina Joko at Mickey pa rin.
Kakausapin lang siguro ni Dingdong ang in-charge sa production ng teleserye ni Coco Martin para hindi na maulit. Baka nga ang manager pa ni Dingdong na si Perry Lansigan ang kumausap sa staff ng Ang Probinsyano.
Huwag na ring idamay si Coco dahil wala siyang kinalaman dito at ‘wag nang mag-away ang fans nina Dingdong at Coco. Tiyak mapag-uusapan ang isyung ito.
Alfred balik-eskuwelahan na naman
Pinost ni Cong. Alfred Vargas ang result ng ultrasound ng misis niyang si Yasmine Vargas na 16 weeks pregnant. Parehong pinost nina Alfred at Yasmine na okay sa bunso nila na magkakaroon siya ng kapatid. Sabi ni Alfred, ang unang sinabi ng bunso nila ay “Ok ako, Daddy and Mommy” at dinagdagan ni Yasmine ng “I love you so so much.”
Parehong babae ang anak nina Alfred at Yasmine, sasabihin tiyak ng dalawa na sasaya pa rin sila kung another baby girl ang ibigay sa kanila, pero siguradong mas matutuwa ang mag-asawa kung baby boy ang isisilang ni Yasmine.
Samantala, ibinalita rin ni Alfred na nag-enroll siya ng Master of Public Administration sa National College of Public Administration & Governance.
“Today is my first day in class for my MPA. I’m into my last few units before i finally graduate. Sabi nga nila, slowly but surely. Learning is a lifelong endeavour which we should never cease regardless of age, circumstance and place. Never stop educating yourself. And never assume you know enough or know everything. Studying is fun and it’s the best investment you can ever give yourself,” post ni Alfred.
Janine binuwisit sa paggamit ng electric fan
Nakakatuwang basahin ang pamba-bash kay Janine Gutierrez sa eksena niya sa Victor Magtanggol sa Thursday episode na ginamitan ng electric fan para lumipad ang buhok. May mga nainis sa ginawa ni director Dominic Zapata, bakit kailangan daw laging dramatic ang entrance ni Janine?
Pero mas marami ang natuwa sa entrance ni Janine at sa takbo ng istorya na magtatagpo na uli sila ni Victor (Alden Richards). Marami na ang shippers ng VicGwen tandem at kinikilig sila at para sa kanila, perfect ang tambalan ng dalawa at bukas ang isip nila na for reel lang ang love team nila dahil may BF na nga si Janine.
- Latest
