Solenn sinolo ang interior design ng bagong bahay nila ni Nico
Pinagmalaki ng Kapuso actress na si Solenn Heussaff ang bago nilang bahay ng kanyang mister na si Nico Bolzico sa pamamagitan ng isang video blog.
Tawag ni Solenn dito ay Casa #SosBolz.
Pina-renovate nila ang nabiling bahay na four years old nang nagawa. Malaki ang living room, may TV room, outdoor area para sa pet turtle nila na si Patato, guest room, master’s bedroom, kitchen at ang sariling mini walk-in closet ni Solenn.
Hindi nag-hire ng interior designer/decorator si Solenn dahil siya na mismo ang nag-decorate ng tahanan nila ng kanyang mister. Gusto raw niyang magkaroon ito ng personal touch.
Sa pamamagitan ng kanyang vlog, nagbigay ng DIY (Do-It-Yourself) tips si Solenn kung paano i-decorate ang sariling bahay.
“I believe a house has to be a HOME. It has to feel cozy and personal. So if any of you are thinking of decorating your own home, I wrote down some of my personal tips. You can also watch the video below to see me ‘in action.’ Lol,” sey ni Solenn.
Pinakita rin ni Solenn ang future baby room. Pero mabilis na nilinaw niya na hindi pa siya buntis.
“And what people have been waiting for. This is not my coming out video, and no I’m not pregnant. This is my future baby room.
“Right now there is nothing and I don’t want to jinx it so I’m going to make it into an art studio or maybe put a treadmill or something, I’ve literally been in this house for a week so there,” diin pa niya.
Kasama rin sa tips ni Solenn ay ang how to de-clutter, how to check the electrical, piping and drainage functions, how having plants gives your place a little life, how to invest in a good mattress and kitchen appliances, and that one all-important accent in every room.
Pinoy designer wagi sa sikat na international fashion competition
Nagwagi ang Pinoy designer na si Renee de Guzman sa katatapos lamang na 25th Edition of the International Lab of Mittelmoda sa Milan, Italy noong nakaraang July 21. Napanalunan ni Renee ang Lecta Special Award.
Ang Mittelmoda The Fashion Award ay sikat na international fashion competition para sa mga fashion designers and fashion design students sa buong mundo. Kabilang si De Guzman sa 23 talents na nakapasok sa final phase of the competition.
“I had no words. It felt rewarding. It made me realize my purpose even more.
“And most importantly, I was proud because I was representing both the Philippines and my school. It was not only for myself but also for my family, the Philippines and God,” sey pa ni Renee.
Pinakita nga ni Renee ang kanyang creativity sa paggawa ng full set of red clothing kasama na roon ang isang coat, pleated skirt, and turtlenecks. Dinagdagan pa niya ito ng fur, feathers, and the zigzag machine.
Nakatapos ng fashion design course si Renee sa Raffles Design Institute in Singapore.
Charlie Sheen baon na sa utang
Nasa financial crisis na ang kontrobersyal na Hollywood actor na si Charlie Sheen.
Sa isang interview ay sinabi ng aktor na hindi na niya kayang ibigay ang child support sa kanyang apat na anak sa mga naging asawa niyang sina Denise Richards at Brooke Mueller.
Nag-file na ang aktor ng requests to modify his child support payments.
May dalawang anak na babae si Sheen kay Denise at may twin boys naman siya kay Brooke.
Nag-divorce sila ni Denise noong 2006 at noong 2011 naman ay nakipag-divorce siya kay Brooke.
Hindi na raw kaya ng aktor ang monthly payments dahil wala naman daw siyang steady income dahil blacklisted sa lahat ng aspeto ng entertainment industry.
Binunyag ni Sheen na meron na lang daw siyang $10 million na natitira sa kanyang savings. Hindi raw sapat iyon dahil sa maraming utang niya. Marami na raw siyang hindi ma-afford tulad ng pool service and gardening service.
Under medication din si Sheen dahil noong 2015 ay na-diagnose siya with HIV.
Noong April 2018, ni-report na may mga unpaid taxes si Sheen from 2015 na umaabot sa $5 million.Noong February 2018, pina-list niya sa market ang kanyang Beverly Hills estate sa halagang $9,999,999.
- Latest
