Nag-pramis Anne isusuko na ang pagiging singer

Magpapahinga na sa concert scene si Anne Curtis matapos ang AnneKulit, Promise Last Na ‘To na gagawin sa Araneta Coliseum sa August 18.

“Honestly, it wasn’t my idea. It was Boss Vic’s. Gusto niya talaga mag-concert ako to celebrate my 21st anniversary. Pinag-isipan ko kasi parang, ‘Keri ko pa ba?’

“Eh, gusto nila, sige. I’m a game person naman. Nagkataon lang talaga na nagkasunud-sunod ang schedules so doon talaga nahihirapan. Okay lang. Laban celebrating my 21st anniversary!” pahayag ni Anne sa grand mediacon ng concert.

Kakayanin naman daw ni Anne ang lahat ng gagawin niya sa stage. “’Yung BuyBust nga, nakaya ko! Ha! Ha! Ha! Eto pa ba? Parang it will be so much fun.

“Galing lang ako sa voice lessons at sabi niya, malaki raw ang improvement ko since 2012,” rason ng TV host-actress.

Tatapatan daw ni Anne ang last concert niyang halos lumilipad siya sa Araneta.

“This concert will be visually pleasing to the eyes, entertaining. ‘Yung costumes ko nga, mas mahal pa yata sa concert ko mismo! Ha! Ha! Ha!

“Yeah! I have designers na gumagawa ng outfit for Ariana Grande at iba pa. Yes, it has been parang fashion show ang level ng aking concert!” bulalas pa niya.

Kung may epek siyang pa-opera, ngayon naman daw ay hinaluan niya ito ng Broadway songs.

Matapos ang magkasunod na movies, concert naman ang aatupagin niya. May oras pa ba siya sa asawang si Erwan Heussaff?

“Ha! Ha! Ha! Actually, this year has been very crazy schedules. Actually, ka-text ko siya kanina. ‘When will I get to have a dinner with you. Just the two of us.’ ‘Soon!’

“After this concert, I think mas kokonti na ang schedules ko. And then we’re going in a honeymoon this November. May time ako for dun.

“We’re going to South Africa. We’re very excited because it will be very long. Oo. Kasi one year bago mag-honeymoon eh pinagbigyan niya ako so ako naman,” deklara ni Anne.

Sa concert, lilibutin naman ni Anne ang buong Araneta Coliseum bilang bagong pasiklab sa huling konsiyerto. Guests niya sina Regine Velasquez, Sarah Geronimo, Aegis band at Ex Battalion.