Kiefer nalilibre na ang Kuya

Ang bait naman ni Kiefer Sanchez ng TNT Boys, maraming beses na niya palang inilibre ang kanyang kuya gaya ng pagbili niya rito ng sapatos, damit, laruan, at iba pa ngayong kumikita na siya.

Tulad nina Mackie Empuerto at Francis Concepcion,nakatabi rin sa bangko ang pera niya. Siya angpinakamatanda sa tatlo sa edad niyang 13 taong gulang.

Tuloy din ang pag-aaral ni Kieffer kahit busy sa kanyang career. Nasa Grade 8 na siya sa home school sa Catholic Filipino Academy at pinakapaborito nito ang math subject.

Naalala pa ni Kiefer ang mga ginagawa noon kasama ang kanyang tatay na dating isang driver. Sumasama siya sa pasada at siya ang tagasukli.

Pangarap ni Kiefer na maging engineer paglaki, para raw ayusin ang lubak sa mga kalsada.

Pero ang pinakapangarap nito ay magkaroon ng sarili niyang studio, para makapag-record ng sarili niyang mga kanta.

Walang pormal na pag-aaral si Kiefer sa music pero sa pamamagitan lamang ng pakikinig at panonood ay nakakaya niyang kapain ang mga tono nito, mapa-piano man, gitara o ukelele.

Samantala, super excited na siya sa pagkakaroon nila ng sariling album soon na ire-release ng TNT Records.

Kung si Francis ay si Regine Velasquez ang paborito, si Kiefer naman ay paborito si Ariana Grande.