Robin at Piolo isang buwang titira sa Marawi
Isang buwang mananatili sina Robin Padilla at Piolo Pascual sa Marawi City para sa shooting nila ng pelikulang Marawi. Ito ang ipinarating sa amin ng isa sa staff ng Spring Films na producer ng pelikula.
Siyempre, kabado ang ilang namamahala sa movie dahil kahit sabihing tapos na ang giyera sa Marawi, baka may naka-amba pang panganib sa ilang lugar sa probinsiya pagdating sa land mines na naitanim doon ng mga bandido.
Eh, sina Binoe at Papa P. na rin ang nagdesisyon na tumira sa Marawi nang sa gayun eh maramdaman nila nang personal ang naging sentro ng labanan, huh!
Sa May 2019 ang balitang showing ng Marawi na si Bb. Joyce Bernal ang direktor.
Direk Brillante dinedma ang SONA
Pilit pa ring kinukuha ng ilang media ang side ni direk Brillante Mendoza nang malaglag siyang director ng 3rd State of the Nation Address (SONA) ni President Digong Duterte kahapon.
Dati-rati raw kasi, ang bilis ng reply ng award-winning director sa media kapag may mga tanong sa kanya, either through text o direct message sa kanyang Facebook, huh! This time, dedma na siya.
Ngayon, sa direksyon ni Bb. Joyce nakatutok ang mga kritiko sa showbiz at telebisyon. Di bale, natupad naman ang wish ni Bb. Bernal nang ma-meet nang personal si P-Digong bago ang SONA, huh!
Direk Jason may alas sa Bakwit Boys
Batid ni direk Jason Paul Laxamana ang stigma na hindi kinakagat ng manonood ang isang romantic-musical. Eh sa latest offering niyang Bakwit Boys na isa sa entries sa Pista ng Pelikulang Pilipino 2018, pang-attract nito ang ilang original songs bukod sa kuwento nito.
Kampante naman ang director na kakagatin ng mga kabataan ang movie at mga kantang marinig lalo na ang mga kabataan ngayon.
Ang isa pang alas ng director, siya ng director ng pelikulang 100 Tula Para kay Stella sa entry sa PPP last year na umabot sa mahigit P100M ang kinita. Ang producer din nitong T-Rex Entertainment ay producer ng Patay na Si Hesus na number two sa ranking ng kumitang entries sa PPP 2017.
Bukod sa Bakwit Boys ang isa pang entry ni Laxamana ay ang The Day After Valentine’s na pinagbibidahan muli nina Bela Padilla at JC Santos.
- Latest