Jameson nayari sa bayad na shout out sa graphic artist

Yari si Jameson Blake kahapon sa social media. Wasak-wasak siya dahil sa isang tweet na siguro naman ay wala siyang intention na makalamang o makapanamantala ng fans.

Baka lang naisip niyang sisikat sa social media ang sinumang magre-response sa panawagan niya na gawan siya ng cover photo / banner para for YouTube. Ito ang eksaktong tweet niya kahapon na nagbigay sa kanya ng tiyak na stress:

“Any graphic designers here? Who’s willing to make me a cover photo ? banner for (ex. Youtube, twitch). I need a banner with the username ‘LucidExpress.’ Best one hets a shout out from me.”

Siyempre big deal na big deal sa mga netizen at lahat ng klase ng panlalait ay binato na sa Hashtag member.

Kesyo hindi naman daw nakakabuhay o nakakain ang ‘shout out.’

May akusasyong tamad siya, kuripot at kung anu-ano pa.

Hinahanap niya obviously ay ex deal sa graphic artist.

BB mukha na raw bangkay

Isa pang nag-trending kahapon ay ang photo ni BB Gandanghari na napuna nilang mukhang bangkay na raw.

As in yun wala na kasing kilay ang kapatid ni Robin Padilla at super payat na.

Pero may nagsabi naman na ‘life of a model’ mode lang si BB.

Pero pag binisita mo naman ang IG account ng dating actor, oo nga ang super payat na niya kahit na nga sabihin mong model pa siya.