Fans ni Ji Chang nabuhayan ng loob kay Jinkee

Nabuhayan na naman ng loob ang mga fans ni Ji Chang Wook nang ilabas ni Jinkee Pacquiao ang  mga pictures nila ng Korean actor.

Inggit much ang fans kay Ma’am Jinkee na personal na nakasalamuha si Wookie (tawag sa K actor ng kanyang fans), samantalang ang maraming avid fans niya, puro collection lang ng picture at poster ng Korean actor kahit pa ilang beses na silang nakarating sa Seoul.

Panay ang pasasalamat ng solid fans kay Madam Jinkee na makitang muli ang actor na time out na sa kanyang military duty bilang Private First Class.

Wini-wish ng lahat na ang susunod na announcement ng misis ni Manny Pacquiao ay ang concert na ni Wookie. ‘Yung mga classmates kong fanatic at addict  kay Wookie ay handang i-cancel ang lahat ng trip nila para pag-ipunan lang ang pambili ng ticket ng concert kung matutuloy dito sa ‘Pinas.

Hiling ng Pinoy fans na sana ay hindi maudlot ang concert ng baby face na si Wookie na turning 31 years old this coming July 5.