Alden bibida muna mag-isa, Maine sinolo ng lola!
Bibida si Alden Richards sa isang family drama na may halong adventure at fantasy na pinamagatang Victor Magtanggol.
Matagal nang pinag-uusapan ang nasabing show ni Alden sa GMA 7 pero iba ang lumulutang na title, Mitho, ‘yun pala Victor Magtanggol.
“Natuwa ako at na excite kasi yung puso ng character naramdaman ko agad binasa ko pa lang yung first week ng script,” sabi sa interview ni Alden sa 24 Oras kagabi.
Nakatutok at very involved din umano si Alden sa magiging takbo ng kwento kaya naman nakikipag collaborate rin siya sa creative team ng programa.
Wala pang lumulabas kung sino ang makakatambal niya sa Victor Magtanggol pero obviously hindi muna sila ni Maine Mendoza.
Though ayon sa isang source malamang tuloy ang pelikula ng magka-loveteam pero ‘yun nga uunahin muna raw ni Alden ang programa na bahagi ng kanyang contract sa GMA 7.
Kung sabagay, magbibida rin naman si Maine ng solo.
Like tomorrow, bibida si Maine sa istorya ng Daig Kayo Ng Lola Ko. Yup, isang regalo ang hatid nina Lola Goreng (Gloria Romero) sa lahat dahil muling magbabalik ang Dubsmash Queen sa child-friendly Kapuso show para sa isa na namang kwentong hitik sa aral para sa lahat.
Jadine hahataw ng concert sa Amerika
Lumipad pa-Amerika sina James Reid and Nadine Lustre para sa kanilang #JaDineRevolutionUSTour.
Wala man silang TV shows lately, busy naman ang real loveteam sa kanilang concert tour. Katatapos lang ng kanilang provincial tour.
Nagkaroon din ng international screening ang kanilang critically acclaimed movie na Never Not Love You.
- Latest
