McCoy tameme sa relasyon nina Elisse at Patrick!
Wala na palang ugnayang namamagitan kina McCoy de Leon at Elisse Joson, mapa-reel o real man daw. In fact daw, hindi na nila nakita ang isa’t isa pagkatapos ng serye nilang The Good Son kung saan gumanap sila bilang mag-sweethearts.
Masaya naman si McCoy para kay Elisse, dahil finally, isang lead role na ang ginaganapan nito sa long-time running series na Wansapanataym Presents: Ofishially Yours kung saan gaganap siya bilang isang sirena. Kasama ni Elisse sa nasabing serye ang Boyband PH na binubuo nina Tristan Ramirez, Russell Ford, Neil Murillo, Joao Constancia and Ford Valencia.
Kasama rin sa cast sina Ria Atayde, Jeric Raval and Giselle Sanchez.
Ang gumaganap namang nanay ni Elisse ay si Janice de Belen.
Tinanong namin si McCoy kung totoo ba na ang current boyfriend ni Elisse ay si Patrick Sugui? Pero nanatiling tikom ang bibig nito tungkol sa issue.
Sina Patrick, Elisse at McCoy ay former housemate ni Kuya sa reality show na PBB (Pinoy Big Brother).
Si Patrick ay parte rin ng Kapamilya network.
Akting ni Empoy hindi pinalampas ng Urian
Sobra yata ang dumarapong suwerte ngayon sa komedyanteng si Empoy Marquez. Aba, akalain mong sa naganap na 49th Box Office Entertainment Awards ng Guillermo Mendoza Scholarship Foundation ay dalawang beses siyang naparangalan.
Una ay ang Breakthrough Movie Actor of the Year at ang isa ay Breakthrough Movie Love Team of the Year kasama si Alessandra de Rossi sa pelikulang Kita Kita.
Naparangalan din ang producers ng nasabing pelikula na sina Direk Joyce Bernal, Piolo Pascual at Erickson Raymundo bilang Popular Film Producer of the Year at para sa kanilang director, Sigrid Andrea Bernardo bilang Most Popular Screenwriter of the Year.
At tama ba ang narinig namin? Na nominadong muli si Empoy para sa kanilang pelikulang Kita Kita sa 41st Gawad Urian?
Kasalukuyang napapanood si Empoy sa ongoing series nilang Since I Found You, co-starring him with Arci Muñoz, Alessandra de Rossi and Piolo Pascual.
JoshLia sunud-sunod ang suwerte
Samantala, bago sila dalhin ni Kris Aquino sa New York, tumanggap muna ng Most Popular Loveteam of Movies and TV of the Year Award sina Julia Baretto at Joshua Garcia sa 49th Box Office Entertainment Awards.
Pang-apat na team-up na pala nina Joshua and Julia itong I Love You Haters. Well, after Vince and Kath and James, Love You To The Stars and Back and Unexpectedly Yours, hindi kataka-takang pati itong ginagawa nilang bagong pelikula ay papatok din sa takilya.
- Latest
