Kapamilya stars waging-wagi sa 49th Box Office Awards!
Maituturing na almost a major success ang katatapos lamang na 49th Box Office Entertainment Awards ng Guillermo Mendoza Memorial Scholarship Foundation, Inc. na ginanap sa Newport Performing Arts Theater sa Resorts World Manila.
Dumating sina Aga Muhlach, Robin Padilla at Dingdong Dantes sa nasabing event kasama ang kani-kanilang mga naggagandahang asawa na sina Charlene Gonzales, Mariel Rodriguez at Marian Rivera.
Dumating din sina Enrique Gil at Liza Soberano, Alden Richards, Maja Salavador at Regine Velasquez na kasama ang anak na si Nate na nagsilbing kanyang escort dahil si Ogie Alcasid ay nag-stay sa back stage from beginning to end ng show, mayroon silang production number kasi nina Erik Santos at Martin Nievera at nakatanggap din ng award.
Si Vice Ganda na kagagaling lang sa kanyang series of concerts abroad ay dumating rin kasama sina Daniel Padilla at Pia Wurtzbach. Siya ang umakyat sa stage at tumanggap ng parangal bilang isa sa Phenomenal Stars of Philippine Cinema dahil sa entry nila sa MMFF (Metro Manila Film Festival) noong nakaraang taon na Gandarrapiddo! The Revenger Squad directed by Joyce Bernal.
Tumanggap din ng parangal si Direk Joyce kasama sina Piolo Pascual at Erickson Raymundo na producers ng pelikulang Kita Kita dahil sa malaking success nito.
Si Empoy Marquez naman ang tumanggap ng parangal nila ni Alessandra de Rossi bilang Breakthrough Movie Loveteam.
Nakatanggap naman ng dalawang awards si Aga, una ay ang Corazon Mendoza Samañiego Lifetime Achievement Award at pangalawa ay ang trophy for best actor na isang karangalang makabahagi si Dingdong Dantes para sa kanilang unang pelikula na Seven Sundays.
Si Robin Padilla ang nag-uwi ng trophy bilang All-time Favorite Actor at kapwa rin nag-uwi ng parangal sina Alden Richards at Maja Salvador. Kinilala si Maja bilang TV Actress of the Year para sa serye niyang Wildflower, si Tirso Cruz III naman ay nabigyan ng TV supporting Actor of the Year para pa rin sa nasabing serye.
At syempre hindi mawawala diyan ang itinanghal na Box Office King and Queen na sina Enrique at Liza para sa pelikula nilang My Ex and Whys ng Star Cinema, directed by Cathy Garcia-Molino.
Namataan din namin sina Joshua Garcia at Julia Barretto na excited makakuha ng award para sa kanilang movie na Love You To The Stars and Back. Ganundin sina Loisa Andalio and Alexa Ilacad, na haping-hapi dahil nagka-award din sa series nilang The Good Son.
Ayos ang flow ng programa na which was alternately hosted by Iza Calzado, Xian Lim, Robi Domingo, Arci Muñoz, Yassi Pressman at Enchong Dee.
Why, therefore, hindi gaanong marami ang nag-enjoy ng audience section, iyon marahil ang dapat itanong sa mga taong involved sa produksiyon.
Si Tessie Celestino Howard ang President ng Airline Marketing Phils, Inc. ang nag-produced ng show, na mapapanood sa ABS-CBN on May 27, Sunday evening, sa Sunday’s Best.
- Latest
