Liza itinangging interesado sa pulitika!
Target ni Liza Diño, Chairman and Chief Executive Officer ng Film Development Council of the Philippines (FDCP), na umabot sa P200M ang part 2 ng sinimulang Pista ng Pelikulang Pilipino last year na humamig ng P170M sa takilya.
“Of course, it’s always something that we all aspire for. But at the same time, it’s all working together. We have to find good films and make sure that all our filmmakers are on board and really maximize promotions,” pahayag ni Liza sa media launch ng PPP 2.
Ipinagdiinan ni Diño na hindi ito tulad ng yearly Metro Manila Film Festival na may limitasyon sa klase ng pelikulang ipalalabas.
“With us, this is a platform for exhibition. It’s really an industry event nationwide. Marami nang nagbigay ng interests na magssa-submit sila ng films.
“It’s about time na regional films can also make genre films. Independent films can make films that are quality not just local but also global.
“Right now, we’re very happy na ‘yung independent producers na nagbigay ng interest ay quality ang slate ng films,” rason niya.
Kahit tutok sa pagtulong sa film industry, wala sa isip ni Liza na pasukin ang pulitika.
“Mas gusto kong tumulong sa movie industry kesa maging politiko! Ha! Ha! Ha!” deklara ni Liza.
Sa interview naman namin kay Iza Sequerra, todo-tanggi rin siyang papasukin niya ang pulitika kahit naintriga na siya matapos kumawala bilang Commissioner ng National Youth Commission.
“Umalis na nga ako, babalik pa ba ako! Ha! Ha! Ha! Hindi, hindi ako papasok sa politics,” tanggi ni Ice.
Sa nasabing launching ipinahayag din ng FDCP chairwoman ang members ng selection committee na sina Manet Dayrit, film editor; Lee Briones, cinematographer; directors Joey Reyes at Carlitos Siguion-Reyna, at actress producer, Cherrie Gil.
Sa July 5 ang announcement ng finalists na kasama sa PPP at mapapanood ito simula sa Auggust 15 hanggang 21. Magiging bahagi rin ng PPP ang Sine Kabataan na pamamahalaan ng partner niyang si Ice.
- Latest
