Karisma ni Ian pang-millennials pa rin!

Hayyy! Kilig much na marinig si Ian Veneracion sa single nitong We’re All Alone ng Star Music.  Aakalaing foreign singer ang kumakanta, pero music at lyrics pala ni Papa Ian ang nasabing kanta. Ang sexy ng boses na super galing sa kanyang blues rock na music.

Hindi lang mahusay na aktor, kundi talented pa pagdating sa pagkanta at pagtugtog ng gitara. Lumabas ang pagiging rock star ni Ian na kinikiligan sa hugot at senti niyang kanta.

Kung dati ay pinagkakaguluhan si Ian ng mga tita’s ng mga 80’s at 90’s na henerasyon, ngayon hindi lang ang mga nanay ang tumitili at kinikilig kay Papa A, kundi pati ang mga anak na mga bagets na millennials ay big crush na rin ang guwapong aktor.

Bakit hindi, habang nagkakaedad ay lalong nagiging yummy ang hitsura ni Ian na isa sa most versatile actor sa industry. Mas nakakakilig pa lalo si Ian sa panghaharana nito sa kanyang first major concert na unang mag-iikot sa Cebu.