‘Di pinatulan Alden ayaw lumebel kay Juancho!

Kinuyog ng netizens ang Kapuso actor na si Juancho Trivino dahil sa nakuhanang vi­deo na naka-dirty finger sign siya. Ang hindi nagustuhan ng netizens, kinuhanan muna ng camera ang standee ni Alden Richards para sa endorsement niya at saka nag-dirty finger si Juancho.

Nanatiling tikom sina Maine Mendoza at Sheena Halili sa isyung ito sa kanya. Silang tatlo ang magkakaibigan ngayon dahil sa ginawa nilang series na Destined To Be Yours. Galit na galit siyempre ang fans lalo na ‘yung humahanga kay Alden kaya naman nagpakalat sila ng hashtag na #malestarletforever na patungkol kay Juancho.

Para wakasan na ang kontrobersiya, nag­labas na ng apology si Juancho sa kanyang Twitter na inilabas din niya sa Instagram. Itinanggi niyang para kay Alden ang joke niyang ‘yon.

“I sincerely apologize for my actions in the video that has been circulating recently. It was a bad joke not intended for Alden. Humihingi ako ng pasensya kay Alden for drawing him into this, and sa kanyang pamilya na nagkaroon ng ganitong issue.

“I also would like to say sorry to the people supporting me, to my fans who were disappointed with my actions, to my family who does not have to do with this incident. There is excuse for what I did, and again, I sincerely apologize.

“Having did all of these, you can expect better Juancho and I will be more mindful of these things.”

Dapat mag-behave si Juancho lalo na’t malapit na ang telecast ng kinabibilangang GMA series na Inday Will Always Love You, huh!

Aktor na hindi makaiyak, tsugi sa drama series

Pinalitan ang isang aktor na binalak kunin sa isang series. Ang rason? Hindi na raw kasi niya kayang sumabak sa madadramang eksena.

Matagal na rin kasing hindi nagdadrama ang aktor. Eh, masaya rin kasi ang buhay niya kaya umiwas na rin siya sa pagtanggap ng iyaking role.

Naintindihan naman ‘yon ng namamahala sa produksyon kaya nag-settle na lang sila sa less category na aktor pero bihasa naman sa iyakan.