Ryza nakasungkit ng acting award sa Japan!

Kasabay ng tinutukang finale ng afternoon prime drama series na Ika-6 Na Utos ng GMA 7 last Saturday, March 17, kung saan tinanggap ng napakasamang character ni Georgia na ginampanan ni Ryza Cenon, ang pinakamabigat na kamatayan niya, nagwagi naman siya ng Most Brilliant Performer (Yakushi) Pearl Award sa Osaka Asian Film Festival 2018 (OAFF), sa Osaka, Japan, para sa Mr. and Mrs. Cruz na idinirek ni Sigrid Andrea Bernardo.

Ibinalita ito ni Liza Diño-Seguerra, FDCP Chairwoman & CEO, sa Twitter. Agad namang nagpaabot ng pagbati kay Ryza ang award-winning director na si Jun Lana na co-production venture ng Viva Entertainment at ng kanilang The IdeaFirst Company “Congrats @iamryzacenon and most especially to the brilliant director of #MrAndMrsCruz #sigridbernardo.”

Si Direk Sigrid naman sa kanyang Instagram ay binanggit ang, “OMG!!! Mrs. Cruz wins!! Congrats @iamryzacenon #MrAndMrsCruz #VivaFilms #TheIdeaFirstCompany”

First mainstream movie ito ni Ryza na leading man niya si JC Santos. Pinarangalan din si Mikhail Red bilang Most Promising Talent, director ng pelikulang Neomanila.

Ngayong tapos na nga ang teleserye ni Ryza sa GMA 7, since ang Viva Artist Agency na ang ma­nagement niya, tuloy na kaya ang pagpasok niya sa FPJ’s Ang Probinsyano sa ABS-CBN?

Jak abnormal ang tingin sa relasyon kay Barbie

Big break para kay Jak Roberto na isa siya sa leading men ni Glaiza de Castro sa Contessa na pilot episode na mamayang hapon sa GMA 7.  Ga­gampanan ni Jak ang role ni Jong Generoso, the closest and most reliable friend ni Bea (Glaiza) na secretly in love sa kaibigan at dasal niyang mahalin din siya nito.

Last teleserye ni Jak ang Meant To Be na isa siya sa four leading men ni Barbie Forteza, na after ng romcom series nila ay naging girlfriend niya. Kumusta naman sila ni Barbie?

“Pareho po kaming busy ngayon ni Barbie dahil may ginawa siyang movie at ilang weeks siyang nasa Cebu para sa taping nila ng Inday Will Always Love You,” say ni Jak.

“Umalis muna ako muli sa Dear Uge dahil sabay sa taping namin ng Contessa ang taping nila, gusto ko pong mag-focus dito sa teleserye namin.

“Personally, masaya po kami lagi ni Barbie, hindi pa kami nag-aaway, kahit tampuhan wala, hindi siya selosa, very supportive siya sa work ko, maalaga siya kaya naman very protective rin ako sa kanya. Minsan feeling ko nga abnormal ang relasyon namin, pero hindi, sobrang bait lamang talaga ni Barbie. And since may Holy Week break ang taping namin, at matagal nga kaming hindi nagkasama ni Barbie dahil sa work namin, ngayong Holy Week, sa Coron, Palawan po kami pupunta, kasama ng family niya at kasama ko ang sister kong si Sanya and some friends.”

Directed by Albert Langitan, ang Contessa ay mapapanood Mondays to Saturdays, after ng Eat Bulaga.