Wala nang paliguy-ligoy pa, James at Nadine may inamin sa pagli-live in!

Daring pero walang skin na ipinakita sina James Reid at Nadine Lustre sa bago nilang movie na Never Not Love You mula sa Viva Films. Palung-palo ang comeback sa big screen ng hottest loveteam ngayon dahil karamihan ng eksena ay kinunan pa sa London, huh!

Ayon kay James, gusto kasi ni direk Antoinette Jadaone na maging organic ang kalabasan ng pelikula. So nu’ng inilatag sa kanila ng direktora, eh wala pang buong kuwento at nabuo ito habang sinu-shoot ang pelikula.

Malaking tulong ang pagmamahalan nila sa isa’t isa kaya naman feel na feel sa kabuuan ng movie na love is in the air.

“Our love is very deep because we started out as friends. We have a really strong foundation!” pahayag ni James sa mediacon ng NNLY.

“Talagang nag-start kami sa wala. Then friendship. ‘Yung relationship namin ni James ngayon, sobrang dami kong natutunan. Nag-grow ako nang sobra because of that,” saad naman ni Nadine.

Kapwa rin sila nakaka-relate sa character nilang sina Gio at Joanne.

“Ako po maraming similarities with Joanne kasi po very focus po ako sa mga goal ko at sa pangarap ko. Like Joanne, mataas din ang pangarap ko for my family and gagawin ko ang lahat para matupad ko ‘yon.

“When it comes to love naman, same naman din po. Kasi si Joanne, iniwan niya ang trabaho niya sa Maynila para sumama kay Gio. Nagsa-sacrifice rin po ako para sa taong mahal ko,” rason ni Nads.

“I can relate to him because he likes to live in the present. Doesn’t want to think future, past, just live in the moment. I’m just like that. Go with the flow,” katwiran ni James.

Hiningan namin ng opinion sina James at Nadine tungkol sa nauuso sa kabataan ngayon na living in.

“It’s fun!” bulalas ni James.

“Honestly, as long as you’re both secure and everything’s working, its’ fine. It shouldn’t be an issue at all.

“If it’s affecting you in a bad way, then you should stop! But if you’re good at it, then why not? And you’re not stepping on anyone, why should it be bad?” katwiran naman ni Nadine.

Anyway, mapapanood ang kahanga-hangang level up performance nina James at Nadine sa March 31, Black Saturday.