Ryza pinayuhang ‘wag tularan ang ginawa ng singer

MANILA, Philippines — Ngayon pa lang ay may nega comments na agad tungkol kay Ryza Cenon sa paglipat nito ng network. Hindi pa man daw natatapos ang Ika-6 Na Utos ay nakapirma na ito sa ABS-CBN. Balita rin namin ay sa Ang Probinsyano muna siya itatambak bago mabigyan ng another project.

Hindi raw komo nagtagumpay ang isang TV project ay may karapatan na agad manghingi ng nakakalokang increase at magandang kontrata. Dapat patunayan at mapanatili niyang laging maganda ang kalalabasan niya sa mga susunod na projects.

Sabagay, matanda na rin siya at kailangan niyang sumubok ng ibang oportunidad. Hindi lang namin alam kung maganda ang pamamaalam niya sa GMA Network para pagdating ng panahon na magbalak siyang magbalik ay maayos siyang i-welcome back.

‘Wag niyang tularan ang isang singer na lumipat at kung anu-ano’ng kaasiman ang sinasabi sa network na tumuklas sa kanya. Hindi naman nagbabago ang estado niya simula nang mag-umpisa siya sa nilipatang network.