Pangwawasak ng taumbayan ‘di na kinaya? Imelda Schweighart nagbitiw sa pagiging Miss Philippines Earth!

MANILA, Philippines - Nagulat ang marami kahapon nang boluntaryong mag-resign si Imelda Schweighart bilang Miss Philippines Earth. Ito ay matapos na kumalat ang video ng panlalait niya sa nagwaging Miss Earth 2016 na si Miss Ecuador Katherine Espin.

Sa naturang video, maliwanag ang kanyang mga dialogue habang kausap niya ang kanyang mga supporter.  “Guys, ‘yung nanalo, peke ilong, peke pa baba, peke pa (chest). Miss Earth, dapat natural ‘di ba?”

Agad nga itong nag-viral at katakut-takot na pamba-bash nga ang napala ni Imelda.

Tinanggap ng organizers ng Miss Earth at Miss Philippines Earth ang pagbibitiw ni Imelda.

Napagdesisyunan daw magbitiw ni Imelda pagkatapos na mag-meeting ang kanyang ina na si Annabeth Bautista at Lorraine Schuck, executive vice president of Carousel Productions na siyang nagpapatakbo ng talent.

Lubos daw na naapektuhan si Imelda maging ang kanyang ina sa natatanggap na pamba-bash at pambu-bully ng mga tao sa kanya.