Mga produkto sa iba’t ibang lalawigan tampok sa Aliwan Fiesta Bazaar

MANILA, Philippines - Hangad ng Manila Broadcasting Company na iangat ang antas ng “personal shopping” para sa mga artista at iba pang kilalang celebrity sa muling pagkakaroon ng Aliwan Fiesta Shoppers Bazaar sa ika-23 hanggang ika-25 ng Abril sa Sotto Street ng CCP Complex sa Pasay. 

Inaanyayahang magtayo ng booth ang mga nagtitinda ng  iba’t ibang produktong galing sa mga lalawigan –maging handicraft, pananamit, fashion accessory, katutubong habi, mga prutas at kakanin, o kahit gamit sa bahay.  Ang mga kooperatiba, tribal showroom, at mga NGO na kasali sa kampanyang “One Town, One Product” ng Department of Trade and Industry ay partikular na inaasahang lalahok.

Ang mga interesado sa  Aliwan Fiesta Shoppers Bazaar ay maaring makipag-ugnayan kay  Teray Rivas sa telepono bilang 832-3249 / 0917.865.8699 / 0923.650.1434. Ang Aliwan Fiesta ay handog ng MBC at Star City, kasama ng Cultural Center of the Philippines at mga lungsod ng Maynila at Pasay.  Suportado rin ito ng Globe Telecom, Pride Detergent, Unique Toothpaste, Tanduay Rhum, Dazz Dishwashing Paste, Coca Cola, Dunkin Donuts, My Juiz, M. Lhuillier, Cherry Mobile, Fukuda, at ng Atrium Hotel.